اسپتال کے بستروں کو جراثیم سے بچانے کا انتہائی کم خرچ طریقہ دریافت

اتوار, 12 جون 2016 13:17

بستروں کے اطراف کے پائپ پر اگر تانبا چڑھادیا جائے تو اس سے بیکٹیریا اور دیگر جراثیم کو پھیلنے سے روکا جاسکتا ہے۔

ماہرین کا اصرار ہے کہ اسپتالوں کے بستر کئی طرح کے جراثیم سے بھرے ہوتے ہیں اور ان کو ختم کرنے کا آسان طریقہ یہ ہے کہ کم ازکم بستروں کے اطراف کے پائپ پر تانبے کا ملمع چڑھادیا جائے۔ اگر ایسا ہوجاتا ہے تو اسپتال سے پھیلنے والے سالانہ کروڑوں انفیکشنز کے واقعات اور اس کی پیچیدگیوں کو ختم کیا جاسکتا ہے۔

امریکا سے لے کر پاکستان تک، اسپتال کے بستر نمونیہ، پیشاب کی نالی کے انفیکشن اور دیگر بیماریاں پھیلانے کی وجہ بنتے ہیں اور ان کا بوجھ بھی اسپتالوں اور ڈاکٹروں پر پڑتا ہے۔ صرف آسٹریلیا میں ہی سالانہ 2 لاکھ افراد اسپتالوں سے بیمار ہوکر آتے ہیں اور غریب ممالک میں تو اسپتال انفیکشنز جان لیوا بھی ہوتے ہیں۔ ان میں سے 80 فیصد انفیکشنز اسپتالوں کی سطح یا بستر پر ہاتھ لگانے سے ہوتے ہیں اور بستروں کو سب سے آلودہ جگہ کہا جاتا ہے۔

تجربے کے لیے چلی کی ایک کمپنی نے پورے ملک کے 150 اسپتالوں کے بستروں کی ریلنگ اور پائپ وغیرہ پر تانبا چڑھایا اور اس کے بعد جراثیم کا جائزہ لیا تو تانبے والے بستروں پر انفیکشن 3.4 سے 8.1 فیصد کم ہوگیا ۔ اس کی وجہ یہ ہے کہ یک خلوی ( سنگل سیل) بیکٹیریا جیسے ہی تانبے سے چھوتا ہے اس میں باریک سوراخ ہوجاتے ہیں اور وہ اپنی تعداد نہیں بڑھا پاتا اور خود بھی ختم ہوجاتا ہے۔ ماہرین نے تجویز دی ہے کہ تانبے کے بستروں سے اسپتال کے مہلک جراثیم بہت حد تک ختم کیے جاسکتے ہیں

Read 529 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto