جھوٹ بولنے کی ذمہ داری پرویز رشید کی ہی ہے تو چوہدری نثارانہیں ہی جھوٹ بولنے دیں

اتوار, 26 جون 2016 02:51

پی ٹی آئی ترجمان نے کہا ہے کہ کراچی میں شہریوں کا قتل عام ہورہا ہے اور چوہدری نثار کو پی ٹی آئی کے الیکشن کی فکرہے۔

تفصیلات کے مطابق ترجمان تحریک انصاف کا چوہدری نثار کے بیان پر سخت ردعمل سامنے آیا ہے، ترجمان کا کہنا ہے کہ وفاقی وزیر داخلہ کس منہ سے جمہوریت کی بات کرتے ہیں۔

کراچی میں روز شہری مررہے ہیں اورچوہدری نثارکوپی ٹی آئی کے الیکشن کی فکر لگی ہے، ان کا کہنا تھا چوہدری نثار کی جماعت نواز لیگ جمہوریت پر یقین نہیں رکھتی۔

کراچی میں رینجرز اور پولیس کی موجودگی میں اویس شاہ کا اغواء اور معروف قوال امجد صابری کا قتل چوہدری نثار کی بہت بڑی ناکامی ہے۔

ترجمان نے کہا کہ اگرجھوٹ بولنے کی ذمہ داری پرویز رشید کی ہی ہے تو چوہدری نثارانہیں ہی جھوٹ بولنے دیں۔ چوہدری نثار قوم کو گمراہ کرکے شرمندگی کے علاوہ کچھ حاصل نہیں کرسکتے۔

واضح رہے کہ وفاقی وزیر داخلہ چوہدری نثار علی خان نے میڈیا سے گفتگو میں کہا تھا کہ تحریک انصاف اور پیپلز پارٹی کا مقابلہ کرنے کے لئے پرویز رشید ہی کافی ہیں۔

ایک سوال کے جواب میں انہوں نے کہا کہ تحریک انصاف خود کو کیمرون کے معاملے سے نہ جوڑے، پی ٹی آئی کے2 الیکشن کمشنر الگ ہوئے کیا پی ٹی آئی کی قیادت نے استعفیٰ دیا؟

یاد رہے کہ وزیرد اخلہ چوہدری نثار آج کراچی پہنچ رہے ہیں، جہاں وہ ایک اعلیٰ سطح اجلاس کی صدارت کریں گے، جس میں شہر میں امن و امان کی خراب صورتحال سے متعلق غور خوص کیا جائے گا، جب کہ وزیراعلیٰ سندھ نے بھی منگل کو شام چار بجے اپیکس کمیٹی کا اجلاس طلب کرلیا ہے۔

Read 391 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto