کویت ہلاکتیں، لاشیں جلد از جلد لانے کا حکم

ہفتہ, 02 جولائی 2016 01:34

وزیر اعظم میاں نواز شریف نے کویت میں ایک حادثے میں جل کر ہلاک ہونے والے نو پاکستانیوں کی لاشیں واپس لانے کے لیے متعلقہ حکام کو جمعہ کو ہدایات جاری کی ہیں۔

پاکستان کی سرکاری خبر رساں ایجنسی ایسوسی ایٹڈ پریس آف پاکستان کے مطابق وزیر اعظم ہاؤس سے جاری ہونے والے ایک بیان میں کہا گیا ہے سیکریٹری ہیومن ریسورسز اور سمندر پار پاکستانیوں کے ادارے او پی ایف کو ہدایت کی گئی ہے کہ وزارتِ خارجہ کے ساتھ مل کر ہلاک ہونے والے پاکستانیوں کی لاشیں جلد از جلد پاکستان لائی جائیں۔

کویت کے فروانیہ کے علاقے میں ایک ہی خاندان کے نو افراد جل کر ہلاک ہو گئے۔ محمد آصف نامی شخص کی بیوی، دو بچے، دو بچیاں، ماں، ایک بھتیجا اور سالی اس آتشزدگی کی نذر ہو گئے۔

وزیر اعظم کی ہدایت کے مطابق وزیر خارجہ اور او پی ایف کو کہا گیا ہے کہ ان افراد کی شناخت کی جائے اور ان کے خاندان کے ساتھ فوری طور پر رابطہ کیا جائے۔

انھوں نے کہا کہ اس غم زدہ خاندان کو تین دن کے اندر اندر بیرون ملک کام کرنے والے پاکستانی کی حیثیت سے جو معاوضہ بنتا ہے ادا کیا جائے۔

کویت کے اس رہائشی علاقے میں آتشزدگی کے واقع میں ایک ہی خاندان کے نو افراد کے ہلاک ہونے کے علاوہ 23 افراد زخمی بھی ہو گئے تھے

Read 550 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto