آج کا پاکستان 2013ءسے زیادہ پرامن‘ خوشحال اور مستحکم ہے : وزیراعظم

بدھ, 03 اگست 2016 16:34

اسلام آباد : وزیراعظم نوازشریف نے ملک کو درپیش چیلنجوں کے مزید پیچیدہ ہونے سے پہلے ان سے نمٹنے کی ضرورت پر زور دیاہے۔ وہ آج وفاقی دارالحکومت میں اہم ملکوں اور کثیر الجہتی اداروں میں تعینات پاکستانی سفیروں کی تین روزہ کانفرنس کی اختتامی نشست سے خطاب کر رہے تھے۔ انہوں نے کہا آج کا پاکستان 2013ءسے زیادہ پرامن‘ خوشحال اور مستحکم ہے‘ تصادم میں الجھنے سے اقتصادی میدان میں پیش قدمی رک جائے گی۔ دوستانہ تعلقات کی کاوشوں کو کمزوری نہ سمجھا جائے۔

انہوں نے کہاکہ کچھ ایسے مسائل ہیں جن پر پاکستان کو تشویش ہے اور ہم توقع کرتے ہیں کہ دوسرے ممالک اس حوالے سے احتیاط برتیں گے۔ انہوں نے کہاکہ ہو سکتا ہے کہ دوسرے ملکوں کے بھی جائز تحفظات ہوں جنہیں ہمیں سمجھنا ہو گا۔

اس سے پہلے مشیر خارجہ سرتاج عزیز نے اپنے خطاب میں کہاکہ پاکستان کے ماضی کے مقابلے میں آج دنیا کے ساتھ زیادہ روابط ہیں۔ سفیروں کی تین روزہ کانفرنس کی اختتامی نشست میں شرکاءکی سفارشات اور تجاویز کا لب لباب پیش کرتے ہوئے سرتاج عزیز نے کہاکہ تین سال کا جائزہ ذرائع ابلاغ کے ایک حصے کے اس نقطہ نظر کی تائید نہیں کرتا کہ پاکستان تنہا ہو رہا ہے اور اس کی خارجہ پالیسی کی سمت غلط ہے۔

سرتاج عزیز نے کہاکہ آج ہم ماضی کی نسبت زیادہ مستحکم ہیں۔ وزیراعظم کے ایک مضبوط خودمختار اور خوشحال پاکستان اور پرامن ہمسائیگی کے نصب العین پرپوری تندہی سے عملدرآمد کیا گیا ہے۔

انہوں نے کہاکہ خارجہ پالیسی میں حکومت کی نمایاں کامیابیوں کی عکاسی چین پاکستان اقتصادی راہداری اور چین کے ساتھ تذویراتی شراکت دار ی میں ہوتی ہے۔ انہوں نے کہاکہ پاکستان نے امریکہ ، یورپی یونین اور روس کے ساتھ مضبوط تعلقات کے قیام سمیت مسلمان ملکوں کے ساتھ اپنے تعلقات کو بھی فروغ دیاہے۔

Read 276 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto