پی ایس ایل : پشاورزلمی نےاسلام آباد یونائیٹیڈ کو 24رنزسےہرادیا

ہفتہ, 06 فروری 2016 16:10

شاہدآفریدی کی ٹیم پشاور زلمی نے مصباح الحق کی اسلام آباد یونائیٹڈ کو چوبیس رنز سے شکست دے دی۔ اسلام آباد کو پی ایس ایل میں مسلسل دوسری ناکامی کاسامناکرناپڑا۔

تفصیلات کے مطابق پشاورزلمی نے پاکستان سپرلیگ میں دبنگ انٹری دے دی۔ سنسنی خیز مقابلے کے بعد پشاور زلمی سے اسلام آباد یونائیٹڈ کو24رنز سے شکست کا سامنا کرنا پڑا.

تمیم اقبال کی ففٹی کی بدولت پشاورزلمی نےسات وکٹ پرایک سو پیتالیس رنزبنائے۔ ہدف کے تعاقب میں اسلام آباد یونائٹیڈ کی ٹیم پھر لڑکھڑاگئی۔

شرجیل خان، بابراعظم اورعمرامین سب فلاپ ہوئے۔ مصباح الحق بھی ٹیم کو مشکلات میں چھوڑ گئے۔ پشاورزلمی کے اسپنرمحمداصغر نے مڈل آڈرکوپویلین کی راہ دکھائی۔

اس موقع پرآرمی پبلک اسکول کے بچے بھی پشاور زلمی کوسپورٹ کرنے اسٹیڈیم میں موجود تھے۔ وہاب ریاض، محمداصغرنے تین تین اورشان ٹیٹ نے دووکٹیں لے کراسلام آباد یونائیٹیڈ کا ڈبہ گول کیا۔

قبل ازیں پشاور زلمے کے کپتان شاہد آفریدی نے ٹاس جیت کر پہلے بیٹنگ کا فیصلہ کیا تو دوسرے ہی اوور میں اوپنر محمدحفیظ 9رنز بنا کر شین واٹسن کی گیند پر آﺅٹ ہو گئے۔

دوسرے آوٹ ہونے والے کھلاڑی ڈیوڈ مائی لان ہیں جنہوں نے 14 گیندیں کھیل کر صرف 6 رنز اسکور کئے۔پشاورزلمے کو تیسرا نقصان کامران اکمل کی صورت میں 43رنز کے مجموعی اسکور پر اٹھانا پڑا جو 8رنز بنا کر سعید اجمل کا شکار بنے۔تمیم اقبال 51رنز بنا کر ٹاپ اسکورر رہے۔

شاہد آفریدی 16اور ڈیرن سیمی 10رنز بنا سکے۔ اسلام آباد کی جانب سے آندرے رسل نے 3 جبکہ نعمان رئیس،سعید اجمل ،شین واٹسن نے ایک ایک کھلاڑی کو آﺅٹ کیا۔ پشاور کی جانب سے وہاب ریاض اور محمد اصغر نے تین،تین جبکہ شان ٹیٹ نے دو کھلاڑیوں کو پویلین کی راہ دکھائی

Read 205 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto