بلڈپریشر میں اضافہ، مشرف آئی سی یو منتقل

جمعرات, 11 فروری 2016 19:18

کراچی: سابق صدر جنرل (ر) پرویز مشرف کو طبیعت خراب ہونے کے باعث پی این ایس شفا کے آئی سی یو میں منتقل کردیا گیا۔

میڈیا رپورٹس کے مطابق، مشرف کے ذاتی معالجین کو بھی ہسپتال طلب کرلیا گیا ہے۔

آل پاکستان مسلم لیگ ترجمان کے حوالے سے بتایا کہ ‏مشرف کے بلڈپریشر میں اضافہ ہوا جس کے باعث اسپتال میں ٹیسٹ لیے جا رہے ہیں۔

ترجمان کے مطابق مشرف کی طبیعت سے متعلق پریشانی کی کوئی بات نہیں۔

خیال رہے کہ سابق صدر کو اس وقت بے نظیر بھٹو قتل، غداری اور لال مسجد جیسے بڑے مقدمات کا سامنا ہے جبکہ اکبر بگٹی کیس میں انہیں بریت مل چکی ہے۔

پیر کے روز لال مسجد کے خطیب مولانا عبدالعزیز نے سابق صدر سمیت لال مسجد آپریشن کے تمام کرداروں کو معاف کرنے کا اعلان کیا تھا۔

اس سے قبل بے نظیر بھٹو قتل کیس میں امریکی صحافی مارک سیگل نے اپنے بیان میں کہا تھا کہ سابق وزیراعظم نے ای میل میں انہیں لکھا تھا کہ اگر انہیں مار دیا گیا تو ذمہ دار پرویزمشرف ہوں گے۔

بے نظیر بھٹو کو 27 دسمبر 2007ء میں اس وقت فائرنگ اور ایک بم دھماکے میں ہلاک کردیا گیا تھا جب وہ عام انتخابات کی مہم کے سلسلہ میں راولپنڈی کے لیاقت باغ سے ایک تقریب سے خطاب کرنے کے بعد واپس جارہی تھیں۔

اُس وقت مشرف بطور صدر اقتدار پر براجمان تھے۔

Read 153 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto