سبی میں آٹھ عسکریت پسند ہلاک، 12 گرفتار

پیر, 15 فروری 2016 16:30

پاکستان کے صوبہ بلوچستان کے ضلع سبی میں سکیورٹی فورسز کے ایک سرچ آپریشن میں حکام نے آٹھ عسکریت پسندوں کو ہلاک اور 12 کو گرفتار کرنے کا دعویٰ کیا ہے۔

سنیچر کی شب بلوچستان حکومت کے ذرائع نے بتایا کہ یہ سرچ آپریشن ضلع کے علاقے سانگان میں کیا گیا۔

ان ذرائع نے بتایا اس علاقے میں عسکریت پسندوں کی موجودگی کی اطلاع تھی۔

ذرائع کے مطابق سرچ آپریشن کے دوران فائرنگ کے تبادلے میں کم از کم آٹھ عسکریت پسند ہلاک ہوگئے۔

ذرائع نے دعویٰ کیا کہ ہلاک ہونے والوں میں عسکریت پسند تنظیم کا ایک اہم کمانڈر بھی شامل تھا۔

ذرائع نے بتایا کہ اس آپریشن کے دوران 12 عسکریت پسندوں کو گرفتار کرنے کے علاوہ اس علاقے میں ان کے دو ٹھکانے بھی تباہ کیے گئے۔

آزاد ذرائع سے مارے جانے والے افراد کی فائرنگ کے تبادلے میں ہلاکت اور کسی عسکریت پسند تنظیم سے تعلق کی تاحال تصدیق نہیں ہوسکی۔

سانگان اور اس سے متصل بولان کے علاقوں کا شمار ان علاقوں میں ہوتا ہے جہاں سکیورٹی فورسز اور سرکاری تنصیبات پر حملوں کے واقعات پیش آتے رہے ہیں

Read 253 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto