پاکستان کے قبائلی علاقے جنوبی وزیرستان میں ریموٹ کنٹرول بم دھماکہ

پیر, 15 فروری 2016 17:52

وانا کے قریب دھماکے میں ایک سکاؤٹ ہلاک، چار زخمی ہوگئے

پاکستان کے قبائلی علاقے جنوبی وزیرستان میں ریموٹ کنٹرول بم کے دھماکے میں جنوبی وزیرستان سکاؤٹس کا ایک اہلکار ہلاک اور متعدد زخمی ہوگئے ہیں۔

نامہ نگار عزیز اللہ خان کے مطابق مقامی انتظامیہ کے ذرائع کا کہنا ہے کہ یہ واقعہ پیر کو وانا کے قریب تحصیل تنئی میں پیش آیا۔

ذرائع کا کہنا ہے کہ گومل زام ڈیم کی جانب جانے والی سڑک پر نصب بم اس وقت پھٹا جب جنوبی وزیرستان سکاؤٹس کے اہلکار وہاں سے گزر رہے تھے۔

ان کے مطابق اس حملے میں ایک سکاؤٹ ہلاک ہو گیا جبکہ چار زخمی ہوئے جنھیں ہسپتال منتقل کر دیا گیا ہے۔

یہ گذشتہ دو ماہ کے دوران پاکستان کے قبائلی علاقہ جات میں شدت پسندوں کی کارروائیوں میں کسی سکاؤٹ کی ہلاکت کا دوسرا واقعہ ہے۔

جنوری کے آغاز میں لوئر اورکزئی ایجنسی کے علاقے کلایہ میں ایک میزائل حملے میں مسجد پر راکٹ حملے کے نتیجے میں ایک سکاؤٹ ہلاک جبکہ چار زخمی ہوئے تھے۔

Read 167 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto