الیکشن کمیشن میں توہین عدالت کیس، عمران خان نے اپنا وکیل تبدیل کرلیا

بدھ, 17 مئی 2017 14:29

اسلام آباد: الیکشن کمیشن میں پاکستان تحریک انصاف کے چیئرمین کے خلاف توہین عدالت کیس کی سماعت میں عمران خان نے وکیل تبدیل کرلیا، نئے وکیل نے عدالت سے جواب جمع کرانے کےلیے مہلت مانگ لی۔ الیکشن کمیشن نے جواب دائرکرنے کےلیے 29  مئی کو آخری مہلت دے دی۔الیکشن کمیشن نے جہلم اور ساہیوال کے ضمنی الیکشن میں ضابطہ اخلاق کی خلاف ورزی پر عمران خان اورحمزہ شہباز کو نوٹس جاری کیا تھا ، تاہم حمزہ شہباز نے الیکشن کمیشن سے غیرمشروط معافی مانگ لی تھی۔عمران خان کے وکیل کا کہنا ہے کہ اسلام آباد ہائیکورٹ نے ضابطہ اخلاق کے معاملے پرحکم امتناع جاری کررکھاہے۔سماعت کے بعد الیکشن کمیشن کے باہر میڈیا سے گفتگو کرتے ہوئے پی ٹی آئی رہنما نعیم الحق نے کہا کہ حکومت کی حکمت عملی ہے کہ پی ٹی آئی کو زیاہ کیسز میں الجھایا جائے۔
حکومت پاناما کیس سے توجہ ہٹانا چاہتی ہے۔حکومت جے آئی ٹی کی تحقیقات میں رکاوٹ ڈال رہی ہے۔رہنما پی ٹی آئی نے کہا کہ ہائیکورٹ نے الیکشن کمیشن کو مزید کارروائی سے روک دیا ہے،انہوں نے دانیال عزیز کے خلاف توہین عدالت کی درخواست دائر کرنے کا اعلان بھی کیا۔دوسری جانب مسلم لیگ ن کے رہنما دانیال عزیز نے میڈیا سے گفتگو کرتے ہوئے کہا کہ عمران خان توہین عدالت کیس میں کبھی پیش نہیں ہوئے وہ مجھ پر الزام لگارہے ہیں۔اگر میں ایک لفظ بھی جھوٹ بولوں تو اللہ مجھ سے ناراض ہو۔
انہوں نے مزید کہا کہ تحریک انصاف نے غیرملکیوں سے پیسے لے کر استعمال کیے ، غیرملکی فنڈنگ استعمال کرنے والی جماعتیں تحلیل کردی جاتی ہیں۔ان سے گزشتہ ڈھائی برس کا حساب مانگا جارہا ہے۔انہوں نے یہ بھی کہا کہ عمران خان دہشت گردی کے مقدمے میں تین برس سے اشتہاری ہیں۔

Read 32 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto