40 سال سے سرکاری خزانوں کو لوٹنے والے خاندان کا احتساب ہورہا ہے، فواد چوہدری

منگل, 13 جون 2017 18:26

اسلام آباد: تحریک انصاف کے رہنما فواد چوہدری کا کہنا ہے کہ 40 سال سے جوخاندان حکمران بنا ہوا ہے سرکاری خزانے بھی اسی نے لوٹے اور اب اسی خاندان کا احتساب ہورہا ہے۔  الیکشن کمیشن کے باہر میڈیا سے بات کرتے ہوئے تحریک انصاف کے رہنما فواد چوہدری کا کہنا تھا کہ جے آئی ٹی کی وجہ سے تمام معاملات میں تیزی آرہی ہے ہم نے تحریک انصاف کا پارٹی انتخابی نشان بحال کرنے کی درخواست دی ہے الیکشن کمیشن بھی عام انتخابات کی تیاریوں میں مصروف ہے حالات ایسے جارہے ہیں جیسے عام انتخابات 2017 میں ہی ہوں گے۔

فواد چوہدری کا کہنا تھا کہ 40 سال سے جو خاندان حکمران بنا ہوا ہے سرکاری خزانے بھی حکمران خاندان نے لوٹے اب اسی کا احتساب ہوگا لیکن شرم کی بات ہے مسلم لیگ (ن) والے جے آئی ٹی کی تیاریوں کا جائزہ لے رہے ہیں اور حنیف عباسی جے آئی ٹی کے باہر یہی کام کرنے گئے تھے ہماری درخواست ہے کہ سپریم کورٹ اور جے آئی ٹی کو آزادانہ کام کرنے دیں۔رہنما پی ٹی آئی نے کہا کہ  (ن) لیگ والے سازشیں بند کرے اب آپ لوگ پکڑے گئے ہیں اور اگر (ن) لیگ  میں ذرہ برابر بھی جمہوریت ہوتی تو وہ انتخابات کی طرف جاتے۔ ان کا کہنا تھا کہ ہم نے منی ٹریل پیش کردی ہے امید ہے کہ عمران خان سپریم کورٹ سے سرخرو ہوں گے۔

Read 346 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto