Reporter KB

Reporter KB

چار میں سے تین میزائل ایک ہزار کلومیٹر کا سفر طے کر کے جاپان کی ایکسکلوسو اکنامک زون میں جا کر گرے۔

جاپان کے وزیراعظم شنزو ایبے نے شمالی کوریا کے اس اقدام کو خطرے کی ایک نئی سطح قرار دیا ہے۔

جنوبی کوریا کی فوج کا کہنا ہے کہ شمالی کوریا نے یہ میزائل ٹونگ چانگ ری کے علاقے سے فائر کیے جو شمال میں چین کی سرحد کے قریب واقع ہے۔

اقوامِ متحدہ نے شمالی کوریا پر کسی میزائل اور جوہری تجربے کرنے پر پابندی عائد کر رکھی ہے۔

جنوبی کوریا کی فوج نے کہا ہے کہ یہ میزائل پیر کو مقامی وقت کے مطابق صبح سات بجکر چھتیس منٹ پر فائر کیے گئے۔

گذشتہ ماہ شمالی کوریا کا کہنا تھا انھوں نے ایک نئی طرز کے بیلسٹک میزائل کا کامیاب تجربہ کیا ہے۔

جنوبی کوریا کا کہنا ہے کہ یہ میزائل امریکی اڈوں کو نشانہ بنانے کی صلاحیت رکھتا تھا۔ دوسری جانب امریکہ نے میزائل تجرے کی کوشش پر تنقید کرتے ہوئے کہا ہے کہ اس سے مزید 'اشعال انگیزی' بڑھے گی۔

اقوام متحدہ نے بھی پیانگ یانگ کی جانب سے کیے جانے والے آخری تجربے پر تنقید کی تھی۔

یاد رہے کہ شمالی کوریا کا کہنا ہے کہ اس کا جوہری پروگرام پرامن مقاصد کے لیے ہے۔


برطانوی دارالحکومت لندن کا سینٹ پال کیتھڈرل مصنوعی نرگس کے پھولوں سے جگمگا اٹھا۔ مصنوعی پھولوں کا یہ باغ جان لیوا بیماریوں کا شکار افراد کی حالت زار سے آگاہی کے لیے قائم کیا گیا ہے۔

روشنیاں بکھیرنے والے نرگس کے یہ پھول برطانوی فنکار اینڈریو شوبن اور ان کے ساتھیوں نے ہاتھ سے تخلیق کیے ہیں اور مصنوعی پھولوں کے اندر ایل ای ڈی روشنیاں لگا کر انہیں روشن کیا گیا ہے۔ ’روشنیوں کے باغ‘ کے نام سے سجایا جانے والا یہ دلچسپ باغ فلاحی مقاصد کے لیے قائم کیا گیا ہے۔

یہی نہیں یہاں روشن کیے گئے ان 21 ہزار پھولوں کو برطانیہ میں کام کرتی ان نرسوں سے منسوب کیا گیا ہے جو خود راتوں کو جاگتی ہیں، مگر علالت کا شکار مریضوں اور ان کے خاندان کے لیے روشنی کی کرن ہیں۔

باغ میں وہ خطوط بھی رکھے گئے ہیں جو مختلف مریضوں نے صحت یابی کے بعد اپنی نرسوں کا شکریہ ادا کرنے کے لیے لکھے۔

باغ میں ہر خاص و عام کا داخلہ مفت ہے اور لوگ بے حد دلچسپی سے روشنیوں بھرے مصنوعی نرگس کے پھولوں کو دیکھنے کے لیے آرہے ہیں۔


صدر طیب رجب اردگان کی زندگی پر بنائی جانے والی فلم ’رئیس‘ ریلیز کردی گئی۔ رئیس ترکی زبان میں سربراہ کو کہا جاتا ہے۔

فلم میں صدر کا کردار معروف ترک اداکار ریحا بیگلو نے ادا کیا ہے۔ فلم میں اردگان کی سیاسی جدوجہد سے زیادہ ان کی نوجوانی اور بچپن کے دور کو پیش کیا گیا ہے۔

فلم کا آغاز سنہ 1961 سے ہوتا دکھائی دیتا ہے جب ترک وزیر اعظم عدنان میندریس کو فوجی بغاوت کے بعد پھانسی دی گئی تھی۔ اردگان اس وقت 7 سال کے تھے جو اپنے والد سے پوچھتے نظر آرہے ہیں کہ آخر ہوا کیا ہے۔

ان کے والد انہیں بتاتے ہیں کہ ایک ایسا شخص جس نے ملک کو بہت کچھ دیا، آج مر چکا ہے۔

فلم میں اردگان کے بچپن کے واقعات کو بھی دکھایا گیا ہے جس میں وہ مدد گار اور رحم دل بچے کے طور پر نظر آتے ہیں۔

فلم میں سیاسی عنصر کم رکھا گیا ہے جس کی وجہ سے شائقین بہت دلچسپی سے فلم کو دیکھنے آرہے ہیں۔ ان کا کہنا ہے کہ فلم کو دیکھ کر انہیں لگتا ہے کہ اردگان انہی میں سے ایک ہیں۔

 

 


شام میں اقوامِ متحدہ کے سفیر سٹیفن ڈی مستورا نے جینیوا میں شام سے متعلق حالیہ امن مذاکرات کو حوصلہ افزا اور مثبت قرار دیا ہے۔

اتوار کو سامنے آنے والے بیان میں اقوامِ متحدہ کے سفیر سٹیفن ڈی مستورا کے مطابق ایک سال بعد ہونے والے مذاکرات میں بات چیت کا عمل سست روی کا شکار رہا اور کوئی بریک تھرو نہیں ہوا تاہم انھوں نے مستقبل کے حوالے سے امید کا اظہار کیا۔

ان کا کہنا تھا کہ 'ٹرین تیار ہے، وہ سٹیشن پر ہے، اپنا انجن گرم کر رہی ہے۔ اسے صرف ایکسلیٹر کی ضرورت ہے۔'

شامی حکومت کا وفد مذاکرات کے بعد کوئی تبصرہ کیے بغیر روانہ ہو گیا۔

ان مذاکرات میں شامی حکومت کا ایک وفد اور تین اپوزیشن گروہوں کے اراکین شامل ہیں جو ان مذاکرات کے آغاز کے موقع پر ہی ایک دوسرے سے ملے تھے۔

اپوزیشن کے رہنما نصر الہاری کا کہنا ہے کہ 'اگرچہ ہم اس دور کو واضح نتائج کے بغیر ختم کر رہے ہیں۔۔۔

تاہم میں یہ کہہ سکتا ہوں کہ یہ بہت مثبت تھے۔'

انھوں نے کہا کہ'یہ پہلی بار تھی جب ہم نے گہرائی میں جا کر شام کے مستقبل اور سیاسی اقتدار کی منتقلی پر بات کی۔'

روئٹرز کے مطابق روسی نمائندوں نے پس پردہ شامی حکومت اور اپوزیشن دونوں سے ملاقاتیں کی۔

شام میں اقواما متحدہ کے سفیر سٹیفن ڈی مستورا نے کہا کہ اقوامِ متحدہ کے ان مذاکرات کو خطے کے اہم ممالک ترکی، روس اور ایران کی حمایت حاصل ہے۔ یہ تمام ممالک شامی حکومت یا اپوزیشن کے حامی ہیں۔

انھوں نے کہا کہ' شام کے اندر اور باہر اب بھی جو لوگ یہ سمجھتے ہیں کہ فوجی آپشن مسئلے کا حل ہے تو وہ خیالی دنیا میں رہتے ہیں۔'

یاد رہے کہ تمام فریقین اب مارچ کے آخر میں چار اہم معاملات پر بات چیت کرنے کے لیے دوبارہ ملنے پر رضامند ہوگئے ہیں۔

ان میں گورننس، قانون کا مسودہ، انتخابات اور انسدادِ دہشت گردی کے معاملات شامل ہیں۔

اقوامِ متحدہ کا کہنا ہے کہ انسدادِ دہشت گردی کے معاملے کو شامی صدر بشار الاسد کے اصرار پر ایجنڈے میں شامل کیا گیا تھا۔

یاد رہے کہ شامی حکومت تمام باغی گروہوں کو دہشت گرد سمجھتی ہے۔ جبکہ اقوامِ متحدہ نے نام نہاد شدت پسند تنظیم دولتِ اسلامیہ اور القاعدہ کی حامی النصرہ فرنٹ کو دہشت گرد قرار دے رکھا ہے اور حالیہ مذاکرات میں یہ دونوں گروہ شامل نہیں ہیں۔

ان مذاکرت کے بعد توقع کی جا رہی ہے کہ روس، ترکی اور ایران کی رہنمائی میں کزاکستان میں بھی شام کے مسئلے پر مذاکرات کا ایک دور ہوگا۔


شامی سرکاری ٹی وی کے مطابق شامی فورسز نےگزشتہ روز داعش کےخلاف تاریخی شہر تدمر میں کامیاب آپریشن کے بعد شہر میں داخل ہوگئی ہیں۔

شامی شہرتدمر پر کنٹرول حاصل کرنے کی یہ شامی افواج کی دوسری کوشش ہے،اس سے قبل گزشتہ برس مارچ میں شامی فورسز نے تدمر کا کنٹرول داعش سے چھڑالیا تھا لیکن صرف 10 ماہ بعد ہی داعش نے اس پر دوبارہ قبضہ کرلیا تھا۔

تدمر پر شامی فوج کے قبضے کی پیش رفت ایک ایسے وقت میں ہوئی ہے جب جنیوا میں شام کے حوالے سے امن مذاکرات جاری ہیں تاہم اب تک اس میں کوئی بڑی پیش رفت نہیں ہوئی ہے۔

خیال رہے کہ شام میں 2011 میں شروع ہونے والی خانہ جنگی سے قبل تدمر دنیا بھر کے سیاحوں کے لیے پر کشش ترین مقامات میں سے ایک تھا اور یہاں سالانہ لاکھوں سیاح آتے تھے۔

یاد رہےکہ گزشتہ سال نومبر میں شامی صدر بشار الاسد کی حامی فورسز نے حلب کا قبضہ چھڑانے کے لیے آپریشن کا آغاز کیا تھا اور دسمبر تک انہوں نے حلب کے 90 فیصد سے زائد علاقوں کا کنٹرول حاصل کرلیا تھا۔

واضح رہےکہ شام میں گذشتہ 5 سال سے جاری خانہ جنگی میں اب تک 3 لاکھ افراد ہلاک جبکہ ملک کا بنیادی ڈھانچہ مکمل طور پر تباہ ہوچکا ہے۔


بالی ووڈ انڈسٹری میں یک بعد دیگرے فلموں مین بہترین اداکاری کے جوہر دکھا کر فلم نگری میں اپنی جگہ بنانے والے اداکار نواز الدین صدیقی نے ایوارڈ شو میں آنجہانی اوم پوری کا تذکرہ نہ ہونے پر مایوسی کا اظہار کیا۔

سماجی رابطےکی ویب سائٹ ٹوئٹر پر ایک ٹوئٹ کے ذریعے نوازالدین نے اپنے غم و غصے اور مایوسی کا اظہار کرتے ہوئے کہا کہ اوم پوری کی خدمات کا اعتراف صرف اکیڈمی ایوارڈز (آسکر) نے کیا مگر بالی ووڈ کے کسی بھی ایوارڈز کی تقریب کے منتظمین نے اوم پوری کا نام لینا تک گوارا نہیں کیا۔

انہوں نے غصے کا اظہار کرتے ہوئے کہا کہ ’’بہت شرم کی بات ہے بالی ووڈ انڈسٹری اپنے  آنجہانی اوم پوری کی خدمات کو بھول چکی ہے‘‘

یاد رہے بھارتی لیجنڈ اوم پوری رواں برس 6 جنوری کو 66 سال کی عمر میں طبیعت کی خرابی کے باعث انتقال کرگئے تھے مگر اُن کی پوسٹ مارٹم رپورٹس نے نئے سوالات کو جنم دیا تھا جن میں اُن کے جسموں پر تشدد کے نشانات بھی واضح تھے۔

اوم پوری نے پاک بھارت تعلقات اور فنکاروں کے لیے بہت سے اقدامات کیے اور خود بہ پاکستانی فلموں میں اپنی اداکاری کے جوہر دکھائے، اوم پوری کی زندگی کی آخری فلم ایکٹر ان لاء (پاکستانی) ہی تھی۔


بھارتی فوجیوں کی بڑی تعداد افسران کی بدسلوکی اور مسلسل جنگی حالت سے تنگ آ کر خود کشیاں کرنے پر مجبور ہے،  تازہ ترین واقعہ بھارتی اہلکار نے افسرکی بدسلوکی سے دلبرداشتہ ہوکر خودکشی کرلی۔

بھارتی میڈیا کا کہنا ہے کہ سوشل میڈیا کے ذریعے منظر عام پر آنے والی ویڈیو میں رائے میتھیو کو سینئر افسر کے کتے ٹہلاتے اور گھریلو کام کرتے دیکھا گیا تھا، ویڈیو سامنے آنے کے بعد اہلکار سے سخت پوچھ گچھ کی گئی تھی، اہلکار گذشتہ ہفتے سے ڈیوٹی سے غیر حاضر تھا۔

بھارتی میڈیا کے مطابق کمرے سے رائے میتھیو کی پھندہ لگی لاش ملی ہے جبکہ ڈاکٹرز کا کہنا ہے کہ لاش 3 روز پرانی ہے۔

پولیس حکام کا کہنا ہے کہ رائے میتھیو کو قتل کیا گیا ہے یا اس نے خودکشی کی ہے پوسٹمارٹم کے بعد پتا چلے گا۔

خیال رہے کہ بھارتی فوجی اہلکار رائے میتھیو 25 فروری سے لاپتہ تھا۔ اس کے خلاف سوشل میڈیا پر سچ دکھانے کی پاداش میں تحقیقات کی جا رہی تھیں۔

یاد رہے کہ بھارتی اہلکاربڑے دعوے کرنے والی مودی سرکار کی پول کھولنے میں مصروف ہیں، سیکورٹی اہلکاروں کا کہنا ہے سینئر افسران جوتے پالش کراتے ہیں اورشکایت کرنے پر دھمکاتے ہیں۔


پی آئی اے پریمیئر کے لیے لیزپرلیے گئے طیارے کے فلائنگ آورز کی مد میں مبینہ طور پر 6 ماہ تک فی گھنٹہ 8 ہزار ڈالرزسے زائد کی ادائیگی کی جاتی رہی۔ مجموعی ادا شدہ رقم طیارے کے ساتھ موجود غیرملکی عملے کی تنخواہ،لیز رقم کی مد میں صرف ہوئی۔

ذرائع کے مطابق مذکورہ طیارے کی لندن سیکٹر پروازوں پر سیٹ اور لوڈ فیکٹر مبینہ طور پر پلان کے مطابق نہیں رہا۔ اگست 2016 میں حاصل کردہ طیارے کو لندن کے لئے پرئیمیر پروازوں پر استعمال کیا گیا۔

پریمیئر سروس کا افتتاح وزیراعظم نے گزشتہ برس 14 اگست کو کیا تھا۔ ویٹ لیز پر موجود طیارہ 8 فروری کو قومی ایئر لائن کے فلیٹ سے انجینئرنگ ڈیپارٹمنٹ منتقل کیا گیا۔ جہاں اس طیارے پر سے قومی ایئرلائن کا مونو گرام اور پینٹ اتاراگیا۔

یاد رہے کہ طیارے کا حصول پیپرا قوانین کے تحت مارکیٹ ریٹ پر کیا گیا تھا۔

ترجمان پی آئی اے کے مطابق لیز پر لیا جانے والا طیارہ نیا اور درکار ضروریات کے مطابق تھا۔ ادا شدہ رقم میں عملے کی تنخواہ سمیت تمام اخراجات شامل ہیں۔


وزیر اعلیٰ سندھ مراد علی شاہ نے پیپلز پارٹی کے شریک چیئرمین اور سابق صدر آصف زرداری سے اسلام آباد میں ملاقات کی۔

ملاقات میں آصف زرداری نے وزیر اعلیٰ کو سندھ کابینہ کی کارکردگی کو مزید بہتر بنانے کی ہدایت دی۔ انہوں نے خاص طور پر کراچی میں ترقیاتی کام مزید تیز کرنے کی ہدایت بھی دی۔

اس موقع پر سابق صدر نے وزیر اعلیٰ کو لعل شہباز قلندر کے مزار کی بحالی کے کام کو بھی جلد از جلد مکمل کرنے کی ہدایت کی۔ ملاقات میں سیاسی صورتحال اور تنظیم نو کے امور پر تبادلہ خیال سمیت آل پارٹیز کانفرنس کے مختلف امور کا بھی جائزہ لیا گیا۔

یاد رہے کہ فوجی عدالتوں سے متعلق آل پارٹیز کانفرنس کل زرداری ہاؤس اسلام آباد میں ہو رہی ہے جس میں بلاول بھٹو زرداری اور آصف علی زرداری شرکت کریں گے۔


پاکستان میں مختلف اقسام کےکینسر کی شرح تشویش ناک حد تک بلند ہو چکی ہے اور اس حوالے سے یہ ایشیا کا سر فہرست ملک ہے۔

ملک میں لاکھوں افراد چھاتی، جگر، پروسٹیٹ، منہ، ہونٹ اور اووری کے کینسر میں مبتلا ہیں۔ یہ تمام کینسر پاکستان میں نہایت عام ہیں۔

کینسر ٹیسٹ کے علاوہ کیمپ میں مفت اسکریننگ، ہیمو گلوبن کی جانچ کا ٹیسٹ ایچ بی الیکٹرو فورسز، سیرم، بی 12، فولک ایسڈ، فیریٹن سمیت دیگر کئی ٹیسٹ مفت کیے جائیں گے جبکہ شوگر اور بلڈ پریشر بھی چیک کروایا جاسکے گا۔

انہوں نے بتایا کہ کیمپ میں امراض خون کے 20 ماہرین پر مشتمل ٹیم موجود ہوگی جو مفت اپنی خدمات فراہم کر رہی ہے۔ یہ ماہرین مریضوں کے مکمل معائنے کے ساتھ انہیں مشورے بھی دیں گے۔

کیمپ رواں ہفتے اتوار کے روز صبح 9 سے شام 6 بجے تک فعال رہے گا۔


Page 1 of 437

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto