پی ٹی آئی لائیرز ونگ نے ایم کیو ایم کی قانونی حیثیت لاہور ہائی کورٹ میں چیلنج کردی،رجسٹریشن منسوخی کی استدعا

جمعہ, 04 مارچ 2016 20:22

لاہور: پاکستان تحریک انصاف لائیرز ونگ کے راہنماعلی جاوید ڈوگر نے ایم کیو ایم کی قانونی حیثیت کولاہور ہائی کورٹ میں چیلنج کرتے ہوئے اپنی درخواست میں استدعا کی ہے کہ وفاقی حکومت اور الیکشن کمیشن کوایم کیو ایم کی بطور سیاسی جماعت رجسٹریشن منسوخی کے لئے اقدامات کی ہدایت جاری کی جائے۔انتظار حسین پنجوتھہ ایڈووکیٹ کی وساطت سے دائراس درخواست میں موقف اختیار کیاگیا ہے کہ مصطفی کمال اور انیس قائم خانی کی اعترافی پریس کانفرنس ایم کیو ایم کے خلاف فرد جرم ہے،اس پریس کانفرنس سے ثابت ہو گیا ہے کہ ایم کیو ایم ریاست مخالف سرگرمیوں میں ملوث ہے۔ درخواست گزار کے مطابق مصطفی کمال کہہ چکے ہیں کہ الطاف حسین را کے ایجنٹ ہیں۔ درخواست میں قانونی نکتہ اٹھایا گیا کہ پولیٹیکل پارٹیز آرڈر کی دفعہ 15 کے تحت ریاست مخالف سیاسی جماعت کی رجسٹریشن نہیں ہو سکتی،قانون کے مطابق وفاقی حکومت کو ریاست مخالف سیاسی جماعت کے خلاف سپریم کورٹ کو ریفرنس بھجوانے کا اختیار ہے جبکہ الیکشن کمیشن بھی قانون کے مطابق ایم کیو ایم کی رجسٹریشن منسوخ کر سکتا ہے.درخواست میں استدعا کی گئی کہ وفاقی حکومت کو ایم کیو ایم کے خلاف سپریم کورٹ میں ریفرنس دائر کرنے کا حکم دیا جائے اور الیکشن کمیشن کو ہدایت کی جائے کہ ایم کیو ایم کی رجسٹریشن منسوخ کی جائے۔

Read 395 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto