عمران خان کو پی ٹی وی پر عوام سے خطاب کی اجازت نہیں دے سکتے :پرویز رشید

جمعہ, 08 اپریل 2016 20:45

اسلام آباد : وفاقی وزیر اطلاعات پرویز رشید نے کہا ہے کہ عمران خان کو پی ٹی وی پر عوام سے خطاب کی اجازت نہیں دے سکتے ۔ان کا کہنا ہے کہ عمران خان پاناما لیکس کے معاملے پر انکوائری نہیں بلکہ سیاست چاہتے ہیں ۔

اسلام آباد میں میڈ یا سے گفتگو کرتے ہوئے پرویز رشید نے کہا کہ انکوائر ی کمیشن تمام معاملات کا جائزہ لے کر فیصلہ کرے گا اور انکوائری کمیشن غیر ملکی آڈٹ کرانے کا بھی مجاز ہے ۔انہوں نے کہا کہ عمران خان کو پی ٹی وی پر خطاب کی اجازت کس حیثیت میں دی جائے ،انہیں پی ٹی وی پر قوم سے خطاب کی اجازت نہیں دی جاسکتی ۔ان کا کہنا تھا کہ عمران خان انکوائری نہیں سیاست چاہتے ہیں ،اگر عمران خان چاہتے ہیں تو وہ میڈ یا پر آنے کے بجائے عدالت جائیں ۔پرویز رشید نے کہا کہ عمران خان دو دن پہلے ڈی چوک جانے کا کہہ رہے تھے اور اب رائیونڈ جانے کی بات کرر ہے ہیں ۔انہوں نے مزید کہا قومی اسمبلی کی کارروائی سپیکر کی ہدایت پر براہ راست دکھائی جاتی ہے، قومی اسمبلی میں سپیکر اور چیئرمین سینٹ کی اجازت سے تقریر ٹی وی پر دکھائی جاتی ہے اور خبروں میں حکومت کو جتنا وقت دیا جاتا ہے اتنا اپوزیشن کو بھی دیا جاتا ہے۔

Read 186 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto