وزیراعظم کے تمام ٹیسٹ کلیئر، کل لندن سے وطن واپس آئیں گے

پیر, 18 اپریل 2016 20:23

اسلام آباد: ڈاکٹرز نے وزیراعظم نوازشریف کی صحت تسلی بخش قرار دیتے ہوئے انہیں سفر کی اجازت دے دی جس کے بعد وہ کل لندن سے وطن واپس پہنچیں گے۔

ترجمان وزیراعظم ہاؤس کے مطابق وزیراعظم نوازشریف کے لندن میں تمام میڈیکل ٹیسٹ مکمل کرلیے گئے جنہیں ڈاکٹرز کی جانب سے کلیئر قرار دیا گیا ہے جب کہ وزیراعظم کی صحت بھی تسلی بخش قرار دی گئی ہے۔ ترجمان کے مطابق ڈاکٹرز نے وزیراعظم کو سفر کرنے کی اجازت بھی دے دی ہے جس کے بعد وہ کل وطن واپسی کے لیے لندن کے لوٹن ایئرپورٹ سے روانہ ہوں گے۔

ترجمان وزیراعظم ہاؤس کے مطابق وزیراعظم نوازشریف کل صبح لندن سے وطن روانہ ہوں گے اور وہ لاہور پہنچیں گے۔ ذرائع کا کہنا ہےکہ وزیراعظم آرام کے لیے چند روز لاہور میں قیام کریں گے۔

واضح رہے کہ وزیراعظم نوازشریف 13 اپریل کو علاج کے لیے لندن گئے تھے جس کے بعد اپوزیشن جماعتوں نے وزیراعظم کی لندن روانگی پر شدید تنقید کی تھی جب کہ آج کراچی میں انسداد دہشت گردی کی عدالت میں پیشی کے موقع پر سابق مشیر پیٹرولیم ڈاکٹر عاصم نے دعویٰ کیا تھا کہ وزیراعظم سمیت دیگر افراد اپنے نام پاناما لیکس سے نکلوانے کے لیے لندن گئے ہیں اور وزیراعظم وطن واپس نہیں آئیں گے۔

Read 362 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto