بالی وڈاسٹارٹائیگر شیروف پاکستانی فلم میں کام کے خواہاں

پیر, 25 اپریل 2016 09:45

بالی وڈاسٹارٹائیگر شیروف نے پاکستانی فلم میں کام کرنے کی خواہش کا اظہار کیا ہے وہ پروڈیوسرزکو ڈسکاؤنٹ دینے پر بھی رضامند ہوگئے۔

یہ رضامندی انھوں نے گزشتہ روزاپنی نئی فلم ’’باغی ‘‘ کی تشہیری مہم کے سلسلہ میں کی جانے والی وڈیو کانفرنس کے دوران پاکستانی میڈیا سے بات کرتے ہوئے کی۔ اس موقع پران کے ہمراہ فلم کے ڈائریکٹرصابرخان بھی موجود تھے جب کہ فلم میں مرکزی کردارنبھانے والی ہیروئن شردھاکپورطبیعت ناساز ہونے کی وجہ سے شرکت نہ کرسکیں۔ واضح رہے کہ بالی وڈ اسٹارزکی نئی فلم ’’ باغی‘‘ 29 اپریل کو آئی ایم جی سی گروپ کے تعاون سے پاکستانی سنیماؤں کی زینت بن رہی ہے۔

ٹائیگر شیروف کا کہنا تھا کہ ’’ باغی‘‘ ایک دلچسپ کہانی پرمبنی فلم ہے۔ ٹائیگر شیروف کا کہنا تھا کہ وہ ہریتک روشن کو اپنا آئیڈیل مانتے ہیں۔ ساتھی فنکارہ شردھا کپور کے متعلق ان کا کہنا تھا کہ وہ اسکول اور کالج کے زمانے سے ڈانس اور ایکٹنگ کی چیمپئن ہیں۔ اسٹار بننے کے بعد بھی ان میں کوئی نخرہ نہیں آیا۔ انھوں نے کہا کہ میری خواہش ہے کہ میں پاکستانی عوام کے پیار کا بدلہ دس گنا زیادہ پیار سے دوں۔

اگلی فلم ’’ فلائنگ جٹ ‘‘ کی تشہیر کے لیے پاکستان ضرور آؤں گا۔ فلم کے ڈائریکٹرصابر خان نے اپنی گفتگو میں بتایا کہ یہ فلم پاکستان اور بھارت دونوں ملکوں کی عوام کو بھرپور تفریح فراہم کرے گی کیونکہ دونوں ملکوں کے عوام کے جذبات اور حالات یکساں ہیں۔ انھوں نے پاکستانی فنکاروں کی تعریف کرتے ہوئے کہا کہ پاکستانی ڈراموں کے بعد اب فلمیں بھی بھارتی عوام کے دل جیت رہی ہیں۔

Read 816 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto