لڑکی سے زیادتی کا الزام سازش، پنجاب پولیس میرے ساتھ نا انصافی کررہی ہے:ڈی ایس پی عمران بابر جمیل

جمعرات, 05 مئی 2016 16:01

لاہور :  نابالغ لڑکی سے زیادتی کے ملزم ڈی ایس پی عمران بابر جمیل نے اپنے اوپر لگنے والے الزامات کو مسترد کرتے ہوئے کہا ہے کہ پنجاب پولیس میرے ساتھ نا انصافی کررہی ہے۔اُن کاکہناتھاکہ لڑکیوں نے کچھ لوگوں سے جان چھڑانے کے لیے مدد مانگی تھی اور پیش رفت پر انکشاف ہوا کہ لڑکیوں کا کردار ٹھیک نہیں ،  کارروائی کیے جانے کے خوف سے الٹا الزام لگا کر مجھے ہی پھنسا دیا گیا۔ 
میڈیا سے گفتگو کرتے ہوئے ڈی ایس پی عمران بابر جمیل کا کہنا تھا کہ میری جہاں پوسٹنگ ہوتی تھی وہاں کا ایس پی خوف کا شکار ہوتا تھا جس کی وجہ سے افسران بالا نے میرے بار بار تبادلے کیے۔ انہی تبادلوں کے دوران مجھے راجن پور صرف 2 سپاہیوں کے ساتھ بھیجا گیا اورکہا گیا کہ چوکی کا معائنہ کرو جس پر میں نے انکار کردیا تو افسران بالا نے مجھے معطل کردیا اور اب مجھ پر الزام لگانے کی کوشش کی گئی ہے۔ ملزم ہوں ، مجرم نہیں اور الزام تو کسی پر بھی لگ سکتا ہے پنجاب پولیس میرے ساتھ نا انصافی کررہی ہے۔

میڈیا سے گفتگو کے دوران ڈی ایس پی عمران بابر جمیل آبدیدہ ہوگئے اور انہوں نے نابالغ لڑکی کے ساتھ زیادتی کے کیس کے حوالے سے بتایا کہ جس لڑکی نے مجھ پر الزام لگایا ہے اس لڑکی نے مجھے فون پر بتایا کہ 2 سے 3 لوگ ہر روز ہم تین بہنوں کے ساتھ زیادتی کرتے ہیں لہٰذا آپ ہماری اس سے خلاصی کرائیں۔ لڑکی کے فون کے بعد میں کلمہ چوک کے قریب ان کے گھر پر شام سات بجے سول کپڑوں میں گیا لیکن وہاں جانے پر مجھ پر انکشاف ہوا کہ یہاں دو نمبر کام ہوتا ہے۔ میرا دوبارہ رابطہ ہوا تو میں ان لڑکیوں کے گھر گجومتہ گیا اور جا کر تحقیق کی تو علاقہ مکینوں نے مجھے بتایا کہ یہ دو نمبر خواتین ہیں ۔ اپنے کا م کا بھانڈا پھوٹنے اور ایکشن لیے جانے کے خوف پر انہوں نے باقاعدہ سازش کے تحت میرے اوپر زیادتی کا الزام لگادیا۔

Read 1068 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto