پاکستان پیپلز پارٹی نے مجلس وحدت مسلمین کی بھوک ہڑتال کی حمایت کا اعلان

جمعہ, 20 مئی 2016 15:50

اسلام آباد: پاکستان پیپلزپارٹی کے وفد نے نائب صدر شیری رحمان کی سربراہی میں علامہ ناصر عباس جعفری سے بھوک ہڑتالی کیمپ میں ملاقات کی اور اپنی مکمل حمایت کا اعلان کیا۔ وفد میں سینیٹر تاج حیدر، روبینہ اشرف، سسی پلیجو، ذمرد خان سمیت دیگر رہنما شامل تھے۔ جبکہ مجلس وحدت مسلمین کی جانب علامہ سید حسن ظفرنقوی اور سکرٹری سیاسیات اسد نقوی سمیت دیگر ایم ڈبلیو ایم کےرہنما موجود تھے۔ علامہ ناصر عباس جعفری کا کہنا تھا کہ مکتب اہل بیت کے پیروکاروں نے اپنی ٹارگٹ کلنگ اور نسل کشی کیخلاف دھرنے سمیت احتجاجات کے تمام طریقے اپنائے تاکہ حکومتوں اور بالخصوص ریاستی اداروں تک اپنا پیغام پہنچایا جائے اور اس ظلم کے سلسلے کو روکا جائے لیکن افسوس کہ گذشتہ تیس برسوں میں اگر کوئی سلسلہ نہیں رک سکا تو وہ ہماری ٹارگٹ کلنگ اور نسل کشی کا سلسلہ نہیں روک سکا۔

 انہوں نے کہا کہ پہلے ہمیں دہشتگرد مارتے تھے لیکن اب پاراچنار میں پرامن مظاہرین پر ایف سی کی جانب سے فائرنگ نے ثابت کردیا گیا کہ ریاستی ادارے بھی ہمیں مار رہے ہیں۔ انہوں نے کہا کہ جب تک ان کے مطابات کو نہیں مان لیا جاتا اور ان پر عمل درآمد شروع نہیں کیا جاتا اس وقت تک ان کا احتجاج جاری رہے گا۔ اس موقع پر تاج حیدر اور شیری رحمان کا کہنا تھا کہ تمام مطالبات جائز ہیں اور ہم احتجاج کے اس جمہوری طریقے کی مکمل حمایت کرتے ہیں اور اپنی حمایت کا اعلان کرتے ہیں۔ حکومت سے کہتے ہیں کہ وہ ان مطالبات کو تسلیم کرے۔ پیپلزپارٹی کی نائب صدر شیری رحمان کا کہنا تھا کہ ہم ملت جعفریہ کو یقین دہانی کراتے ہیں کہ آج سے ہم آپ کی آواز قومی اسمبلی اور سینیٹ سمیت ہر فورم پر اٹھائیں گے، اس مشکل وقت میں ہم اہل تشیع کے ساتھ کھڑے ہیں۔

Read 365 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto