وینزویلا میں مسلح افراد کی فائرنگ سے 11 ہلاک

پیر, 30 مئی 2016 15:45

لاطینی امریکہ کے ملک وینزویلا میں حکام کا کہنا ہے کہ مسلح افراد کی فائرنگ سے تین نوجوانوں اور ایک کولمبین شہری سمیت 11 افراد ہلاک ہوگئے ہیں۔

حکام کے مطابق سنیچر کو ریاست ٹرجیلو میں نامعلوم مسلح افراد نے فائرنگ کرنے سے پہلے ان افراد کو ان کے گھروں سے باہر نکلنے کا حکم دیا تھا۔

اس کارروائی کے بعد حملہ آور گاڑیوں اور موٹرسائیکلوں پر فرار ہوگئے۔

غیرسرکاری تنظیموں کا کہنا ہے کہ تیل کی گرتی ہوئی قیمتوں کے باعث پیدا ہونے والے معاشی بحران کے سبب وینزویلا میں جرائم کی شرح بڑھ رہی ہے۔

گذشتہ سال وینزویلن آبزرویٹری آف وائلنس نامی تنظیم نے اپنی سنہ 2014 کے بارے میں رپورٹ میں کہا تھا کہ پرتشدد واقعات میں 24,980 افراد ہلاک ہوئے ہیں۔ اس شرح کے مطابق ایک لاکھ افراد میں سے 82 افراد قتل ہوئے، جبکہ سنہ 2013 میں یہ شرح 79 افراد فی ایک لاکھ افراد تھی۔

غیرسرکاری تنظیموں کے مطابق یہ اعدادوشمار کسی جنگ زدہ ملک کے برابر ہیں۔

تاہم حکومت کے اعدادوشمار اس سے کہیں مختلف ہیں اور اس کا کہنا ہے کہ پرتشدد واقعات سے متاثر ہونے والوں کی تعداد کہیں کم ہے۔

Read 429 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto