میگا کرپشن کیس؛ سابق سیکرٹری خزانہ بلوچستان مشتاق رئیسانی مزید 14 دن کے لیے نیب کے حوالے

بدھ, 15 جون 2016 20:40

کوئٹہ: احتساب عدالت نے کروڑوں روپے کی برآمدگی پر گرفتار سابق سیکرٹری خزانہ بلوچستان مشتاق رئیسانی اور اکاؤنٹنٹ میونسپل کمیٹی ندیم اقبال کو مزید 14 روز کے لیے نیب کی تحویل میں دے دیا ہے۔

کوئٹہ میں نیب نے احتساب عدالت کے جج عبدالمجید ناصر نے 63 کروڑ روپے سے زائد نقد رقم کی برآمدگی پر حراست میں لیے گئے سابق سیکریٹری خزانہ مشتاق رئیسانی اور خالق آباد میونسپل کمیٹی کے اکاؤنٹنٹ ندیم اقبال کو پیش کیا، نیب کے تفتیشی افسر نے عدالت سے استدعا کی کہ ملزمان سے تفتیش کا جاری ہے اس لئے ان کے جسمانی ریمانڈ میں مزید 14 دن کی توسیع کی جائے۔

مشتاق رئیسانی کے وکیل نے جسمانی ریمانڈ میں توسیع کی مخالفت کرتے ہوئے کہا کہ نیب کو جو تفتیش کرنا تھی وہ ہوچکی ہے، اس کے علاوہ ان کے موکل کی آنکھوں سے خون رس رہا ہے، ڈاکٹروں نے مزید ٹیسٹ تجویز کیے ہیں۔ عدالت نے طبی معائنے کا حکم دیا تو نیب کے وکیل نے بتایا کہ مشتاق رئیسانی کا معائنہ ہر روز ماہرہن سے کرایا جارہا ہے۔

دوسری جانب اکاؤنٹینٹ میونسپل کمیٹی خالق آباد ندیم اقبال کے وکیل نے عدالت کو بتایا کہ ان کے موکل ندیم اقبال کو گردے کا مرض لاحق ہے۔ اس لئے انہیں بھی طبی سہولیات فراہم کی جائے جس پر تفتیشی افسر کا کہنا تھا کہ ملزم کو تمام تر سہولیات فراہم کی جارہی ہے، نیب کے وکیل نے کہا کہ ندیم اقبال ہٹے کٹے ہیں اور انہیں تمام تر طبی سہولیات فراہم کی جارہی ہیں۔ عدالت نے دونوں ملزمان کو مزید 14 روز کے لیے نیب کے حوالے کردیا۔

Read 511 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto