کراچی.وادی حسین قبرستان کے بعد اب ڈیفنس ہاﺅسنگ اتھارٹی نے ٹیکنالوجی سے لیس قبرستان بنا لیا

جمعرات, 18 فروری 2016 14:24

کراچی میں ڈیفنس ہاﺅسنگ اتھارٹی نے مخصوص فیز کے رہائشیوں کے لیے ٹیکنالوجی سے لیس جدید قبرستان کے منصوبے پر کام شروع کردیا ہے ۔
پراجیکٹ ڈائریکٹر بریگیڈیئرمحمد رشید بٹ نے بتایاکہ ویڈیو لنکنگ کے ذریعے اپنے پیاروں کی قبریں دیکھ کر دور اپنے گھر میں بیٹھا شخص بھی مرنیوالوں کیلئے فاتحہ خوانی کرسکے گا، مذکورہ قبرکا نمبر دے کروہی قبردیکھی جاسکے گی ، لائیوسٹریمنگ کی سہولت بھی پیش کی جارہی ہے ،ویب کیمرے لگائیں گے اور اس مقصد کیلئے ٹیکنالوجی روم بھی قائم کیاجارہاہے ۔ قبرستان تمام قبروں کا ریکارڈ بھی رکھے گا جبکہ مرنیوالے ہر شخص کو ایک مخصوص نمبر جاری کیاجائے گا، استقبالی عملہ اور نقشہ کی مدد سے آنیوالا ہرشخص متعلقہ قبرتک جاسکے گا، حکام سولرٹیکنالوجی کے ذریعے قبرستان روشن رکھنے کی منصوبہ بندی بھی کررہے ہیں ۔
مختلف فرقوں کی تقسیم کیلئے قبرستان کو مختلف حصوں میں تقسیم کیاگیا، ایک حصہ بچوں اور شہداءکیلئے وقف کیاگیا، ایک طرف جنازگاہ بھی تعمیر کی جائے گی ۔ تقریباً 1400قبریں تیار کرلی گئی ہیں جبکہ کئی مزدورتاحال مختلف سائز کی قبروں کی کھدائی میں مصروف ہیں ، یہ قبریں اس قبرستان کا حصہ ہیں جو ڈیفنس ہاﺅسنگ اتھارٹی فیز آٹھ کے رہائشیوں کیلئے بالخصوص بنارہی ہے اور رواں سال مئی میں اس کاافتتاح متوقع ہے ، اب وہاں کے رہائشی فیز ون اور فیز فور میں موجودکنٹونمنٹ بورڈ کے قبرستانوں میں اپنے پیاروں کی تدفین کرتے ہیں لیکن اب وہاں بھی جگہ کم پڑگئی۔
منصوبے کی تعمیر کی وضاحت کے موقع پر ایک آرمی آفیسر نے بتایاکہ قبرستان کو سر سبزو شاداب بنانے کیلئے مختلف قسم کے پورے لگائیں گے تاکہ ایک پارک جیسا دکھائی دے ۔

Read 668 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto