مقبوضہ کشمیر میں قابض بھارتی فوج کے ہاتھوں مزید 3 کشمیری شہید

بدھ, 29 مارچ 2017 00:25

سری نگر: مقبوضہ کشمیر کے علاقے بڈگام میں قابض بھارتی فوجییوں نے 3 کشمیریوں کو گولیاں مارکر شہید کردیا۔ کشمیر میڈیا سروس کے مطابق مقبوضہ کشمیر کے علاقے بڈگام میں قابض بھارتی فوجیوں نے کچھ نوجوانوں کا محاصرہ کررکھا تھا جن کو چھڑانے کے لیے دیگر کشمیری احتجاج کرتے ہوئے وہاں پہنچے تو بھارتی فوجیوں نے ان پر گولیاں برسادیں جس کے نتیجے میں  3 کشمیری شہید اور درجنوں زخمی ہوگئے۔ شہید ہونے والے 2 نوجوانوں کی شناخت زاہد راشد اور ثاقب احمد کے ناموں سے ہوئی۔

دوسری جانب ترجمان دفتر خارجہ نفیس زکریا نے مقبوضہ کشمیر میں کشمیریوں کے قتل کی مذمت کرتے ہوئے کہا کہ قابض بھارتی فوج نے نہتے کشمیریوں کو شہید کیا۔

واضح رہے کہ گذشتہ برس جولائی میں برہان وانی کی شہادت کے بعد  سے مقبوضہ کشمیر میں شروع ہونے والی آزادی کی تحریک کو کچلنے کے لئے قابض بھارتی فوج وادی میں انسانیت سوز مظالم ڈھارہی ہے اوراب تک بھارتی فوج کے ہاتھوں سیکڑوں کشمیری شہید اورہزاروں زخمی ہوچکے ہیں جب کہ قابض فوج کے مظاہرین پر  پیلٹ گن کے استعمال سے سیکڑوں کشمیری بصارت سے بھی محروم ہوچکے ہیں۔

Read 276 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto