الطاف حسین کیلئے لوگوں نے نسلیں تباہ کیں ، نشے میں دھت ہوکررہنماﺅں کی بے عزتی کرائی جاتی: مصطفی کمال

جمعرات, 03 مارچ 2016 16:36

کراچی : کراچی کے سابق ناظم مصطفی کمال نے دعویٰ کیاہے کہ الطاف حسین کیلئے لوگوں نے اپنی نسلیں تباہ کردیں لیکن اُنہوں نے کبھی اپنی غلطی تسلیم نہیں کی ، ایم کیو ایم کی قیادت منٹوں اور گھنٹوں میں ذلیل ہوتی ہے،19 مئی 2013 کو نشے میں دھت ہو کر رہنماو¿ں کو ذلیل کرایا گیا۔
انیس قائم خانی کے ہمراہ پریس کانفرنس سے خطاب کرتے ہوئے مصطفی کمال کاکہناتھاکہ ہم یہ بتانا چاہ رہے ہیں کہ ہم کیوں یہاں سے گئے اور اب کیوں آئے،رات کو گالی دے کر صبح معافی مانگ لی جاتی ہے ،الطاف حسین نے کئی سال تک من مانی کی ، آج ہم جاہل ہوگئے جبکہ لوگ تہذیب وتمدن ہم سے سیکھتے تھے ، ایم کیوایم کے قائد کو ایک مہاجر کی بھی فکر نہیں ، صرف عقوبت خانے اور شہادتیں دیکھیں ، گزشتہ دورحکومت میں ایم کیوایم نے حکومت میں آنے جانے پر توجہ دی، سندھ یا کراچی کے عوام کیلئے کچھ نہیں کیا، سب کو پتا ہے حکومت میں آنے جانے کے فیصلے فردواحد کرتا ہے،ایم کیو ایم کو 2013میں بدترین کارکردگی کے باوجودالیکشن میں جیتی،دو تلوار پر پی ٹی آئی کی خواتین کےلئے کہا گیا کہ دو تلوار کو دو تلوار کردو،پی ٹی آئی کو 2013 میں ساڑھے آٹھ لاکھ ووٹ ملے۔
اُن کاکہناتھاکہ کثرت شراب نوشی کی وجہ سے پہلے الطاف حسین کا رات کو موڈ آف ہوتاتھا، پہلے دن کو نہیں اب رات کو بھی تقریر نہیں ہوتی ،2013ءمیں لوگوں کو جمع کرکے ان سے بدتمیزی کی گئی ، الطاف حسین بات کرکے پھر جاتے ہیں ، کہیں کوئی ایسا ویسابیان نہ جاری کردیں ،الطاف حسین کو ایکسپوز ہونے سے روکتے تھے، ہم بھی دھرنے دے چکے ہیں ،رات کو کہتے تھے کہ ’ٹھوک دو‘ لیکن صبح رابطہ کمیٹی کو وضاحتیں دیتے تھے ، نشے میں دھت ہوکر پارٹی رہنماﺅں کی بے عزتی کرائی جاتی اور ایم کیوایم کی پریس ریلیز رحمان ملک لکھواتے تھے، جب سے پارٹی میں آئے ہیں ، لوگوں کو مرتے ہی دیکھاہے ، ایجنڈا کیاہے ، میں بھی جان دینے کو تیار ہوں لیکن پہلے مقصد توپتہ چلے ، ہم محب وطن لوگ تھے ۔

Read 604 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto