صوابی، تباہی کا بڑا منصوبہ ناکام، گاڑی سے 75 کلو گرام بارودی مواد برآمد

جمعرات, 03 اگست 2017 20:34

صوابی: خیبر پختونخوا کے ضلع صوابی پولیس نے مبینہ طور پر تباہی کا بڑا منصوبہ ناکام بناتے ہوئے گاڑی سے 75 کلو گرام بارودی مواد اور دیگر دھماکہ خیز آلات برآمد کر لئے، جبکہ ملزمان فرار ہونے میں کامیاب ہوگئے۔ پولیس ذرائع کے مطابق صوابی میں امن و امان کی فضاء برقرار رکھنے کے لئے ضلعی پولیس افسران کی ہدایت پر مختلف مقامات پر ناکہ بندیاں قائم ہیں، جن پر تلاشی کا عمل جاری ہے۔ تھانہ کالو خان پولیس کی جانب سے معتبر کوٹھے کے مقام پر قائم ناکہ بندی پر چیکنگ کا عمل جاری تھا کہ اس دوران ناکے سے کچھ فاصلے پر 2 نامعلوم افراد گاڑی چھوڑ کر فرار ہوگئے، جن کی گرفتاری کے لئے سرچ آپریشن بھی کیا گیا، تاہم کسی قسم کی گرفتاری عمل میں نہیں لائی جا سکی۔ ایس ایچ او تھانہ کالو خان کے مطابق ملزمان کی جانب سے چھوڑی گئی گاڑی کو چیک کرنے کے لئے بم ڈسپوزل یونٹ عملے کو طلب کر لیا گیا، جنہوں نے گاڑی سے 75 کلو گرام بارودی مواد، 400 ڈیٹونیٹرز اور 800 گز پرائما کارڈ برآمد کر لیا۔ ایس ایچ او شفیع الرحمٰن کے مطابق گاڑی اور بارودی مواد کو قبضہ میں لے کر نامعلوم ملزمان کے خلاف مقدمہ درج کر لیا گیا ہے۔

Read 214 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto