ملک کے مختلف شہروں پر میڈ یا ہاوسز اور صحافیوں پر حملو ں کی مذمت کرتے ہیں ،تحفظ کے لیے ٹھوس اقدامات کیے جائیں ،صحافتی تنظیموں کاحکومت سے مطالبہ

جمعہ, 04 مارچ 2016 20:01

کراچی :لاہور ،حید ر آباد اور کراچی میں میڈ یا ہاوسز اور صحافیوں پر کیے جانے والے حملو ں پر صحافتی تنظیموں خت تشویش اور مذمت کا اظہار کیا ہے ۔انہوں نے مطالبہ کیا کہ صحافیوں اور میڈ یا ہاوسز کی حفاظت کے لیے حکومتیں ٹھوس اقدامات کریں ۔
پاکستان براڈ کاسٹنگ ایسو سی ایشن نے کہا ہے پہلے بھی میڈیا پر ہونے والے حملوں پر حکومت کی توجہ مبذول کرائی لیکن نہ تو اب تک حملہ کرنے والوں کو پکڑا گیا اور نہ ہی میڈ یا کو تحفظ فراہم کیا گیا۔انہوں نے مطالبہ کیا کہ حکومت میڈ یا کو تحفظ فراہم کرنے کے لیے موثر اور ٹھوس اقدامات کرے ۔ان کا کہنا تھا کہ آج نیوز کے دفتر پر حملے کامقصد آزادی اظہار رائے پر قد غن لگانا ہے اور میڈ یا کو آئینی ذمہ داریوں کی ادائیگی سے روکنا ہے ۔پی بی نے نے مطالبہ کیا کہ حکومت آج نیوز پر حملے کرنے والوں کو گرفتار کرے ۔ایڈ یٹر ز فار سیفٹی نے مختلف شہروں میں ٹی وی چینلز اور صحافیوں پر حملے پر اظہار تشویش کرتے ہوئے کہا کہ حکومت اور مظاہرین اپنی خو اہشات کے مطابق خبر نہیں بنوا سکتے ۔انہوں نے مطالبہ کیا کہ وفاقی اور صوبائی حکومتیں میڈ یا ہاوسز کو سیکیورٹی فراہم کریں ۔پاکستان فیڈرل یونین آف جرنلسٹ کے صدر رانا عظیم نے میڈ یا ہاوسز اور صحافیو ں پر حملوں کی مذمت کرتے ہوئے کہا کہ میڈ یا ہاوسز پر تحفظ کی ذمہ داری حکومت پر عائد ہوتی ہے ،صحافیوں کے تحفظ کے لیے حکومت ٹھوس اقدامات کرے ۔

Read 526 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto