ملائیشین وزیراعظم کو 68 ارب روپے کیوں دئیے؟ سعودی عرب نے ایسی وجہ بتادی کہ جان کر آپ کا بھی منہ کھلا رہ جائے گا

جمعہ, 15 اپریل 2016 22:31

ریاض: گزشتہ سال سعودی عرب کی طرف سے ملائیشیاءکے وزیراعظم کو 68کروڑ ڈالر(تقریباً68ارب روپے) دیئے گئے تھے جو براہ راست ان کے ذاتی بینک اکاﺅنٹ میں منتقل کیے گئے۔ اس پر ملائیشیاءمیں ہلچل مچ گئی اور وزیراعظم نجیب رزاق پر کرپشن کے الزامات عائد کیے جانے لگے۔ رواں سال جنوری میں ملائیشیاءکے اٹارنی جنرل نے یہ کہہ کر وزیراعظم کو ان الزامات سے بری قرار دے دیا کہ ”وزیراعظم کو یہ رقم سعودی شاہی خاندان کی طرف سے تحفے میں دی گئی تھی۔“ تاہم ان کے خلاف الزامات کا طوفان تھمنے میں نہ آیا۔ اب سعودی عرب کی طرف سے نجیب رزاق کو دی گئی رقم کی ایسی وضاحت سامنے آ گئی ہے کہ کوئی بھی سن کر حیران ہو جائے۔

 استنبول میں ایک کانفرنس میں شرکت کے دوران صحافیوں سے گفتگو کرتے ہوئے سعودی وزیرخارجہ عادل الجبیر سے سوال پوچھا گیا کہ ”کیا آپ ملائیشیاءکے وزیراعظم کو دی گئی رقم کی تفصیلات سے آگاہ ہیں؟“ اس پر عادل الجبیر نے جواب دیا کہ ”ملائیشیاءکے وزیراعظم کو دی گئی رقم خالصتاً عطیے کے طور پر دی گئی اور اس کے بدلے میں ملائیشیاءسے کچھ بھی طلب نہیں کیا گیا۔اور ہم اس بات سے بھی مکمل باخبر ہیں کہ ملائیشیاءکے اٹارنی جنرل اس معاملے کی تحقیقات کر چکے ہیں اور وزیراعظم کو بری قرار دے چکے ہیں۔ لہٰذا جہاں تک ہمارا تعلق ہے، یہ معاملہ ختم ہو چکا ہے۔“تاہم سعودی وزیرخارجہ نے یہ نہیں بتایا کہ ملائیشین وزیراعظم کو یہ رقم کس شخص کی طرف سے دی گئی۔

Read 599 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto