اسلام آباد، خاتون نے بلیک میلنگ سے تنگ آکر سابقہ خاوند کا نازک عضو کاٹ ڈالا،مقدمہ درج ،لڑکی گرفتار

بدھ, 20 اپریل 2016 09:12

اسلام آباد(نیوز ڈیسک )فیس بک پر دوستی کے بعد کورٹ میرج اور پھرطلاق لینے والی لڑکی نے مبینہ طور پر مسلسل بلیک میلنگ سے تنگ آکراپنے سابقہ خاوندکودھوکے سے بلیوایریا میں واقع ہوٹل پر بلواکرتیزدھارآلے سے نازک عضو کاٹ ڈالا۔پولیس نے مضروب نوجوان کو تشویشناک حالت میں پمزہسپتال میں داخل کرادیاہے جبکہ لڑکی اوراس کے والد کے خلاف مقدمہ درج کرنے بعد لڑکی کو گرفتارکرلیاہے۔

مسماۃ ’’ن‘‘ جمال کی تین سال قبل فیس بک پرمحلہ گوبندگڑھ گوجرانوالہ سے تعلق رکھنے والے نوجوان محمدبن زاہدعرف مومی سے دوستی ہوئی۔بعدازاں یہ دوستی والدین کی مرضی کے بغیرکورٹ میرج پر پہنچی اوردوشیزہ اپنے خاوند کے ہمراہ گوجرانوالہ چلی گئی۔جہاں مبینہ طورپر اسے ذہنی اورجسمانی زیادتی کانشانہ بنایاگیاجس پریہ شادی ناکام ہوگئی اورچند ہی ماہ بعد طلاق لے کردوشیزہ واپس والدین کے پاس اسلام آبادچلی آئی. تاہم اس دوران مبینہ طورپر سابقہ خاوند نے فون پر اس کے ساتھ مسلسل رابطہ رکھااوراسے یہ کہتے ہوئے کہ اس کی غیراخلاقی ویڈیوموجودہے بلیک میل کرناشروع کیا۔جس پردوشیزہ نے اسے مزہ چکانے کا فیصلہ کیا۔تھانہ کوہسارمیں درج مقدمہ نمبر149بجرم 336/109کے مطابق اٹھارہ اپریل2016ء کودوشیزہ نے سابقہ خاوند کو دھوکے سے بلیوایریا میں واقع سٹی ہوٹل کے کمرہ نمبر302میں بلایا۔نوجوان گوجرانوالہ سے دن گیارہ بجے مذکورہ ہوٹل میں پہنچااوردن تقریباً دوبجے تھکاوٹ کی وجہ سے کمرہ میں سوگیا،اس دوران دوشیزہ نے تیزدھارچھری سے حملہ کرکے اپنے سابقہ شوہر کے نازک عضو کو کاٹ دیا۔معلوم ہواہے کہ تھانہ کوہسار کی پولیس نے دوشیزہ کو گھرسے گرفتارکرلیاہےجبکہ مضروب نوجوان کو تشویشناک حالت میں پمزہسپتال کے سرجیکل ون میں داخل کرادیاگیاہے۔

Read 1449 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto