یکم مئی کے جلسے سے قبل تحریک انصاف کا آج وارم اپ ریلی نکالنے کا فیصلہ

ہفتہ, 30 اپریل 2016 17:03

لاہور: مقامی انتظامیہ کی جانب سے سیکیورٹی خدشات کے باعث چیئرنگ کراس پر جلسے کی اجازت نہ ملنے کے باوجود تحریک انصاف کی جانب سے جلسے کی بھرپور تیاریاں جاری ہیں اور یکم مئی کے جلسے سے قبل پی ٹی آئی قیادت نے آج وارم اپ ریلی نکالنے کا فیصلہ کیا ہے۔

 پاکستان تحریک انصاف کی جانب سے آج شام کو وارم اپ ریلی نکالنے کا فیصلہ کیا گیا ہے جو لبرٹی چوک سے شروع ہو کر چئیرنگ کراس پر اختتام پزیر ہو گی۔ پی ٹی آئی قیادت نے پارٹی عہدیداروں اور کارکنوں کو ریلی میں بھرپور شرکت کی ہدایت کی ہے جب کہ تحریک انصاف کے چیرمین عمران خان بھی آج لاہورپہنچ کر جلسہ گاہ کا دورہ کریں گے۔

دوسری جانب لاہور انتظامیہ کی جانب سے چئیرنگ کراس پر جلسہ کرنے کی اجازت نہ دینے کے باوجود تحریک انصاف کی انتظامیہ نے پنڈال سجانا شروع کردیا ہے، جلسہ گاہ میں کرسیاں اوردیگر سامان لگایا جا رہا ہے جب کہ ڈی آئی جی آپریشنز حیدر اشرف نے تحریک انصاف کو تھری لئیرسیکیورٹی فراہم کرنے کی یقین دہانی کرائی ہے۔

چیئرمین تحریک انصاف عمران خان نے بھی جلسے کے حوالے سے اجلاس طلب رکھا ہے جس میں  اجلاس میں جہانگیرترین، نعیم الحق، مرادسعید، فیصل جاوید خان و دیگررہنماء شریک ہوں گے۔ اجلاس میں وزیراعظم آفس کے میڈیا سیل کے خلاف قانونی چارہ جوئی پرمشاورت کی جائے گی جب کہ ذرائع کا کہنا ہے کہ اس حوالے سے تحریک انصاف کی قیادت ایڈووکیٹ بابراعوان کے ساتھ ابتدائی مشاورت بھی کرچکی ہے۔

Read 403 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto