منشیات کا الزام، ہال کا سینیاد اوکونور پر مقدمہ

ہفتہ, 07 مئی 2016 14:47

کامیڈین آرسینیو ہال نے گلوگار پرنس کو منشیات فراہم کرنے کے الزامات پر سینیاد او کونور کے خلاف مقدمہ کیا ہے۔

سینیاد او کونور نے فیس بک پر الزام لگایا تھا کہ ’آرسینیو ہال گذشتہ ماہ انتقال کرنے والے گلوکار پرنس کو کئی دہائیوں تک منشیات فراہم کرتے رہے ہیں۔‘

جمعرات کو آرسینیو ہال نے ان کی ساکھ کو نقصان پہنچانے پر سینیاد او کونور کے خلاف عدالت میں 50 لاکھ ڈالر کا دعویٰ کیا۔

امریکی کامیڈین کا کہنا ہے کہ ’او کونور کے الزامات قابل مذمت اور جھوٹے ہیں۔‘

انھوں نے او کونور کو ’توجہ حاصل کرنے والی‘ قرار دیا ہے۔

سینیاد او کونور نے دعوی کیا ہے کہ انھوں نے مینیاپولس کے مضافات میں پولیس ڈیپارٹمنٹ کو آرسینیو ہال کے بارے میں بتایا ہے جو کہ پرنس کی اچانک موت کی تحقیقات کر رہے ہیں۔

انھوں نے فیس بک پوسٹس میں سے ایک میں کامیڈین آسینیو کو ’بلائے جانے کی توقع رکھنے کا مشورہ دیا۔‘

لاس انجیلس میں آرسینیو ہال کے وکلا کی جانب سے دائر درخواست کے مطابق: ’او کونور اب اپنی موسیقی کی طرح شاید انوکھی اور ذہنی طور پر بیمار باتوں کے لیے جانی جاتی ہیں۔‘

اس میں مزید کہا گیا ہے کہ ان الزامات کو ’ان گنت‘ لوگوں نے فیس بک اور نیوز روپورٹس کے ذریعے پڑھا ہوگا۔

انھوں نے مطالبہ کیا ہے کہ مقدمے کو جیوری کے ذریعے چلایا جائے، اور ساکھ کو نقصان پہنچانے پر ہرجانے کی رقم ’کم از کم‘ 50 لاکھ ڈالر ہونی چاہیے۔

گلوکار پرنس کی موت کی تحقیقات کرنے والوں نے تاحال موت کی کوئی وجہ بیان نہیں کی ہے۔

Read 510 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto