بھارت نے نیوکلیئر سپلائرگروپ میں شمولیت کیلیے باضابطہ درخواست دیدی

جمعہ, 03 جون 2016 18:03

نئی دلی: بھارت نے نیوکلیئر سپلائرگروپ میں شمولیت کے لیے باضابطہ درخواست دے دی جب کہ نریندرمودی 4 جون کو امریکا کا دورہ کررہے ہیں جہاں وہ کیس کو مضبوط کرنے کی کوشش کریں گے۔

بھارتی میڈیا کے مطابق بھارت کی جانب سے نیوکلیئرسپلائرگروپ میں شمولیت حاصل کرنے کے لیے باضابطہ درخواست دے دی گئی ہے یہ درخواست نیوکلیئر سپلائر گروپ سے 7 سال مذاکرات کے بعد 12 مئی کو دی گئی جس کے ایک ہفتے بعد ہی پاکستان نے بھی اس گروپ میں شامل ہونے کے لیے درخواست دی۔

بھارتی میڈیا رپورٹس کے مطابق بھارت کی شمولیت کا پہلا بڑا امتحان 9 اور 10 جون کو ویانا میں ہونے والے نیوکلیئرسپلائرگروپ کے اجلاس میں ہوگا جس کے بعد نیوکلیئرسپلائرگروپ کی منصوبہ کمیٹی کے ایجنڈے میں شامل ہوگا جب کہ وزیراعظم نریندر مودی اس کیس کو مضبوط بنانے کے لیے 48 ارکان کے ہمراہ 4 جون کو امریکا کا دورہ کررہے ہیں۔

بھارت کو اپنی کوشش کامیاب بنانے کے لیے اب بھی چین کی صورت میں اہم چیلنج درپیش ہے جس نے پاکستان کی وجہ سے اس کیس کو ویٹوکیا ہوا ہے جب کہ اسی سلسلے میں بھارتی صدر پرناب مکھرجی نے 24 مئی کو چائنا کا دورہ بھی کیا لیکن وہاں سے انہیں کوئی واضح جواب نہ مل سکا تاہم چینی حکام نے اس سلسلے میں مذاکرات کی یقین دہانی کرائی ہے۔

Read 222 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto