پاکستان آنے کو ترس رہا ہوں، انیل کپور

پیر, 06 جون 2016 17:00

ممبئی: بولی وڈ کے معروف اداکار انیل کپور کا کہنا ہے کہ انٹرٹینمنٹ کی کوئی سرحد نہیں ہوتی اور وہ بے صبری سے پاکستان آنا چاہتے ہیں۔

واضح رہے کہ بولی وڈ میں اپنی کامیاب فلموں سے جگہ بنانے والے انیل کپور ہولی وڈ میں بھی کام کرچکے ہیں اور اب وہ پاکستان میں کام کرنے کے خواہشمند ہیں۔

59 سالہ اداکار کا کہنا تھا کہ انہیں بے حد خوشی ہوتی ہے جب یہ معلوم ہوتا ہے کہ پاکستان میں لوگ ان کے کام اور فلموں کو پسند کرتے ہیں۔

انیل کپور نے پاکستان آنے کی جستجو ظاہر کرتے ہوئے کہا ’میں ہمیشہ سے پاکستان آنا چاہتا ہوں اور اگر مجھے وہاں بلایا جائے گا تو میں ضرور آؤں گا‘۔

انہوں نے پاکستان میں رہنے والوں کا اپنے کام کو پسند کرنے پر شکریہ بھی ادا کیا۔

انیل کپور نے مزید کہا، ’ہمارا تو کام ہی لوگوں کو محظوظ کرنا ہے پھر چاہے وہ پاکستان ہو یا ہندوستان‘۔

انیل کپور کا دونوں ممالک کی فلم پروڈکشن کمپنیز کو مشورہ دیتے ہوئے کہنا تھا کہ ہندوستان اور پاکستان کو مشترکہ پروڈکشنز کرنی چاہئیں اور سنسر بورڈ کو بھی آزاد خیال ہونا چاہیے۔

اگر کام کے حوالے سے بات کی جائے تو انیل کپور اس وقت اپنے ڈرامے ’24‘ میں مصروف ہیں۔

Read 1182 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto