حکومت نے اگر ٹی اوآرز نہ مانے تو عوام میں جانے سے گریزنہیں کرینگے: بلاول بھٹو

منگل, 14 جون 2016 20:51

لاہور: بلاول بھٹو زرداری نے پاناما لیکس کے معاملے پر ایک بار پھر وزیراعظم نواز شریف کے ساتھ کسی بھی قسم کی مفاہمت کرنے سے انکار کرتے ہوئے پارٹی رہنماﺅں کو ہدایات جاری کی ہیں کہ وہ ڈٹ جائیں، حکومت نے اگر ٹی او آرز نہ مانے اور پارلیمانی کمیٹی میں بات نہ بنی تو عوام میں جانے سے گریز نہیں کیا جائے گا۔

تفصیلات کےمطابق چیئرمین پیپلز پارٹی بلاول بھٹو زرداری نے ٹی او آرز کے معاملے پر کام کرنے والے پارٹی رہنماﺅں کو حتمی پالیسی سے متعلق ہدایات جاری کر دی ہیں۔ حکومت کے خلاف جارحانہ انداز اختیار کرنے کا کہا گیا ہے۔ ذرائع کے مطابق بلاول بھٹو نے رہنماﺅں سے کہا ہے کہ پارلیمانی کمیٹی ہو یا کوئی اور فورم اپوزیشن جماعتوں کو ساتھ لے کر چلیں اور ہر فورم پر مشترکہ لائحہ عمل اختیار کیا جائے بلاول بھٹو نے واضح کیا کہ اب نواز شریف سے کوئی سمجھوتہ ہوگا نہ رعایت دی جائیگی۔ حکومت کو اپوزیشن کے ٹی او آرز ماننا پڑیں گے۔ حکومت کو اور کوئی راستہ نہ دیا جائے،ٹی او آرز پر پارلیمانی کمیٹی کی بات نہ بنی توعوامی تحریک چلائی جائی گی اور حکومت کو بھاگنے نہیں دیا جائے گا۔ بلاول بھٹو نے حکومتی رویے پر برہمی کا اظہار کرتے ہوئے کہا کہ اگر حکومت سمجھتی ہے کہ وہ ٹال مٹول سے کام لے کر بچ جائے گی تو یہ اس کی بھول ہے ٹی او آرز نہ مان کر حکومت خود اپوزیشن کو پارلیمانی کمیٹی کے بجائے دوسرے راستے اختیار کرنے پر مجبور کر رہی ہے۔ بلاول بھٹو نے یہ پالیسی گائیڈ لائن اپوزیشن کے مشترکہ اور پارلیمانی کمیٹی کے اجلاسوں سے قبل جاری کی ہیں۔

Read 504 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto