بجلی کے ستائے شہری سڑکوں پر نکل آئے

منگل, 28 جون 2016 02:30

شہر قائد میں بجلی کی عدم فراہمی معمول بن گئی۔ شہری سراپا احتجاج بن گئے ،ماہ رمضان میں کے الیکٹرک کے سحر و افطار میں لوڈ شیڈنگ نہ کرنے کے دعوے دھرے کے دھرے رہ گئے.

تفصیلات کے مطابق فنی خرابی ،کیبل فالٹ اور غیر اعلانیہ لوڈشیڈنگ نے شہریوں کو ماہ رمضان میں بھی ذہنی اذیت میں مبتلا کررکھا ہے۔

شدید گرمی، حبس اوپر سے بجلی غائب ہونے پر شہر قائد کے شہری احتجاج نہ کریں تو کیا کریں، کورنگی ایکسپریس وے پر بجلی عدم فراہمی کے خلاف عوام سڑکوں پر آگئے۔

مشتعل مظاہرین نے ٹائرون کو جلاکر سڑک کو ٹریفک کے لئے بند کردیا، دوسری جانب کراچی کے علاقے جیکب لائن گرڈ اسٹیشن میں فنی خرابی کے باعث متعدد علاقے اندھیرے میں ڈوب گئے۔

پی آئی بی کالونی، جیکب لائن، جہانگیر روڈ، نمائش اور جمشید روڈ میں بجلی کا طویل بریک ڈاؤن رہا۔ سخی حسن واٹر بورڈ کالونی میں بھی بارہ گھنٹے سے زائد وقت گزرجانے کے باوجود بجلی نہ آسکی۔

سخت گرمی میں بجلی کی عدم فراہمی سے روزہ داروں کو شدید مشکلات کا سامنا کرنا پڑا۔ شکایات درج کرانے کے باوجود کوئی شنوائی نہیں ہورہی۔

روزہ دار شہری شدید گرمی میں غیر اعلانیہ لوڈشیڈنگ سے ذہنی کوفت میں مبتلا ہوگئے ہیں۔

Read 386 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto