توہین رسالت کے قوانین پر نظرثانی کرنے کو تیار ہیں: مولانا شیرانی

جمعرات, 28 جنوری 2016 20:12

اسلام آباد (مانیٹرنگ ڈیسک) اسلامی نظریاتی کونسل کے چیئرمین مولانا محمد خان شیرانی نے کہا ہے کہ وہ توہین رسالت کے قوانین پر نظرثانی کرنے کو تیار ہیں۔ حکومت پاکستان کو باضابطہ طور پر توہین رسالت کے قانون کو اسلامی نظریاتی کونسل کو بھجوانا چاہئے کیونکہ اس مسئلے پر متعدد علماءمختلف رائے رکھتے ہیں۔ 
برطانوی خبر رساں ادارے رائٹرز کو انٹرویو دیتے ہوئے محمد خان شیرانی نے کہا کہ وہ اس حوالے سے بات چیت کرنے کے لئے تیار ہیں اس قانون کے تحت دی جانے سزا انصاف پر مبنی ہے یا نہیں۔انہوں نے کہا کہ حکومت کی جانب سے بھجوائے جانے کے بعد کونسل تجویز دے سکتی ہے کہ آیا اس قانون کو اسی شکل میں رکھا جائے یا پھر اس میں ترمیم کر کے اسے مزید سخت یا نرم کیا جائے۔ 
مولانا محمد شیرانی کا کہنا تھا کہ پاکستان کے متعدد قوانین، اسلامی قوانین سے مماثلت نہیں رکھتے اور وہ حکومت کو ان پر نظرثانی کرنے کی تجویز دیتے رہے ہیں۔صدر مملکت کی جانب سے قتل کے مجرمان کو معافی کا اختیار دینا ایسے قوانین کی ایک مثال ہے۔ انہوں نے یہ بھی کہا کہ پاکستان کی موجودہ حکومت مغربی ممالک کے مفادات کا دفاع کرتی ہے، حکومتی نظرئیے اور اسلام قوانین کو ایک نہ سمجھا جائے۔کم عمری میں شادی کے معاملے پر گفتگو کرتے ہوئے مولانا شیرانی نے کہا کہ اس میں ریاست کو ایک حد تک ہی مداخلت کرنی چاہیے۔

Read 5022 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto