کراچی میں رینجرز کی کارروائی ،کالعدم پیپلز امن کمیٹی کے دو بھتہ خور گرفتار

پیر, 22 فروری 2016 18:59

کراچی (مانیٹرنگ ڈیسک )شہر قائد میں رینجرز نے کارروائی کر کے کالعدم پیپلز امن کمیٹی سے تعلق رکھنے والے دو بھتہ خوروں کو گرفتار کر لیا ۔ترجمان رینجرز نے میڈ یا سے گفتگو کرتے ہوئے کہا کہ رینجرز نے لانڈھی کے علاقے مجید کالونی میں کارروائی کر کے دو بھتہ خوروں کو گرفتار کیا جن کا تعلق کالعدم پیپلز امن کمیٹی سے تھا ،ملزمان کی شناخت منور اور رفیق کے نام سے ہوئی ہے۔ان کا کہنا تھا کہ ملزمان نے بھتہ خوری کی 12وارداتوں کا اعتراف کیا ہے تاہم ملزمان نے ٹارگٹ کلنگ کی وارداتوں میں ملوث ہونے کا اعتراف نہیں کیا جس کی تحقیقات کی جا رہی ہے ۔انہوں نے کہا کہ گرفتار ملزمان سٹریٹ کرائم کی وارداتوں میں بھی ملوث تھے اور وہ لفافوں میں بھتے کی پرچیاں دیتے تھے جن میں پستول کی گولیاں بھی موجود ہوتی تھیں ۔ان کا کہنا تھا کہ ملزمان کے خلاف مقدمہ انسداد دہشت گردی کی دفعات کے تحت چلایا جائے گا ۔انہوں نے مزید کہا کہ گرفتار ملزمان کے گروہ میں مو جود دیگر افراد کو بھی پکڑنے کے لیے کارروائیاں جاری ہیں ۔

Read 431 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto