پاکستان میں مخصوص مائنڈ سیٹ کی جنگ ایک عرصہ سے جاری ہے، میاں افتخار حسین

بدھ, 19 اپریل 2017 22:59

پشاور: عوامی نیشنل پارٹی کے مرکزی سیکرٹری جنرل اور خیبر پختونخوا کے سابق وزیر اطلاعات میاں افتخار حسین نے کہا ہے کہ پاکستان میں مخصوص مائنڈ سیٹ کی جنگ ایک عرصہ سے جاری ہے، ہمیں باہمی اتحاد و اتفاق سے اس مائنڈ سیٹ کو شکست دینا ہو گی، شدت پسند اور عدم تشدد والی قوتیں آپس میں نبردآزما ہیں۔ مرادن میں عبد اولی خان یونیورسٹی میں قتل ہونے والے مشال خان کی یاد میں تعزیتی ریفرنس سے خطاب کرتے ہوئے میاں افتخار حسین کا کہنا تھا کہ مشال خان کا دُکھ اُس کے والدین کے بعد میں ہی زیادہ سمجھ سکتا ہوں کیونکہ میں نے اپنا بیٹا دہشتگردی کی جنگ میں کھویا ہے، دہشتگرد مجھے نشانہ بنانا چاہتے تھے لیکن اُنہوں نے میرے بیٹے کی جان لے لی۔ مشال خان کو قتل کرنے والے انسان نہیں درندے تھے، تنگ نظری کی سوچ کا ساتھ نہ دینے والوں کو منصوبے کے تحت راستے سے ہٹایا جا رہا ہے جو فرقہ وارانہ سیاست کی بنیاد ہے۔ اُنہوں نے کہا ہے کہ ملک میں امن پسندوں اور امن کے دُشمنوں کے درمیان جنگ جاری ہے اور وقت گزرنے کے ساتھ ساتھ اس کی جڑیں مضبوط ہوتی جا رہی ہیں۔ مشال خان کے قتل میں جو کوئی بھی ملوث ہو اسے بلاتفریق سرعام پھانسی پر لٹکایا جائے اور مجرموں سے کوئی رعایت نہ برتی جائے۔

Read 239 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto