پاراچنار، گاودر میں ہونے والے دھماکے کے شہداء کے ورثا اور زخمیوں میں امدادی چیکس کی تقسیم

ہفتہ, 29 اپریل 2017 20:56

پاراچنار: کرم ایجنسی کے علاقے وسطی کرم گاودر میں ہونے والے بم دھماکے کے شہداء کے ورثا اور زخمیوں میں گورنر کے پی اور فاٹا سیکرٹیریٹ کی جانب سے امدادی چیک تقسیم کئے گئے، علاقے کے عمائدین نے حکام کا شکریہ ادا کیا اور انہیں علاقے کے مسائل سے آگاہ کیا۔ 25 اپریل کو وسطی کرم ایجنسی کے علاقے گاودر میں ہونے والے حالیہ بم دھماکے میں شہید ہونے والے 14 شہداء کے ورثا اور 10 زخمیوں میں گورنر کے پی اقبال ظفر جھگڑا اور فاٹا سیکریٹریٹ کی جانب سے امدادی چیک تقسیم کئے گئے۔ اس سلسلے میں ایڈیشنل پولیٹکل ایجنٹ کرم ایجنسی نصراللہ خان اور اے پی اے سنٹرل کرم عرفان علی خان گاودر گئے اور شہداء کے ورثا میں تین تین لاکھ روپے کے چیک تقسیم کئے اور زخمیوں کو ایک ایک لاکھ روپے کے چیک دیئے گئے۔

اس موقع پر ایڈیشنل پولیٹکل ایجنٹ نصراللہ خان نے بتایا کہ گاودر میں ہونے والا بم دھماکہ دہشت گردوں کا ایک بزدلانہ اقدام ہے، جس میں بے گناہ خواتین اور بچے شہید و زخمی ہوگئے۔ انہوں نے کہا کہ حکومت نے دہشت گردی سے متاثرہ علاقہ گاودر کو خصوصی پیکج دینے کا فیصلہ کیا ہے۔ جس میں پرائمری سکول گاودر کی اپ گریڈیشن، ہسپتال اور سڑک کی تعمیر کے علاوہ بجلی کی سپلائی بھی شامل ہے۔ اس موقع پر قبائلی رہنما ملک مولانا قوت خان اور دیگر عمائدین نے گاودر کو ترقیاتی پیکج دینے پر حکومت کا شکریہ ادا کیا۔

Read 62 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto