مخصوص میڈیا پر سازش کے تحت ارکان پارلیمنٹ کی فہرست جاری کی گئی، احسن اقبال

پیر, 09 اکتوبر 2017 11:38

ناروال: وفاقی وزیر داخلہ احسن اقبال نے نارووال میں میڈیا سے گفتگو کرتے ہوئے کہا ہے کہ پاکستان واحد اسلامی طاقت ہے، جو کسی کو ہضم نہیں ہو رہی، سی پیک سے خطے میں پچاس ارب ڈالر کی سرمایہ کاری آئی، لیکن نواز شریف کو سی پیک منصوبے کی سزا دی گئی، سی پیک پر امریکی بیان سے قوم کو پتہ چلنا چاہیے کہ نواز شریف کا کیا قصور تھا۔ نارووال میں صحافیوں سے گفتگو کرتے ہوئے وزیر داخلہ کا کہنا تھا کہ مخصوص میڈیا پر سازش کے تحت ارکان پارلیمنٹ کی فہرست جاری کی گئی، ان اوچھے ہتھکنڈوں سے یہ کیا ثابت کرنا چاہتے ہیں، آئی بی بھی اس فہرست کی سختی سے تردید کر چکی ہے۔ انہوں نے کہا کہ لسٹ بنانے والوں کا مقصد نواز شریف کی نااہلی کے بعد مسلم لیگ نون میں دراڑیں ڈالنا ہے، جبکہ نون لیگ ہر طرح سے متفق اور متحد ہے وہ کسی سازش کا شکار نہیں ہوئی۔

وزیر داخلہ کا کہنا تھا کہ یہ خبر من گھڑت اور بد نیتی پر مبنی ہے۔ آن لائن کے مطابق ٹوئٹر پر اپنے پیغام میں ان کا کہنا تھا کہ تحریک انصاف بیلٹ کے بجائے چور دروازے پر یقین رکھتی ہے، میرا اقامہ چیلنج کرنے پر پی ٹی آئی کو خوش آمدید کہتا ہوں، لیکن ان کو ہمیشہ کی طرح ناکامی کا سامنا ہو گا، پی ٹی آئی نے پہلے وزیر خارجہ خواجہ آصف کا اقامہ بھی چیلنج کیا تھا، ان کو ناکامی کا سامنا ہوا اور اب میرا اقامہ بھی تحریک انصاف چیلنج کرنے جا رہی ہے، تو ان کو خوش آمدید کہوں گا۔

Read 40 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto