ایم کیو ایم کی کراچی کو کچرے سے پاک کرنے کی مہم کا آغاز

جمعرات, 10 مارچ 2016 15:39

متحدہ قومی موومنٹ کی جانب سے کراچی کو کچرے اور جگہ جگہ موجود گندگی کے ڈھیر سے پاک کرنے کے لئے صفائی مہم کا آغاز کردیا گیا۔

پاکستان کے سب سے بڑے شہر کراچی کو گندگی کے ڈھیر سے پاک کرنے کے لئے فکسڈ اٹ کے نام سے جو مہم عالمگیر خان نے شروع کی اب اسی طرز کی مہم کا آغاز ایم کیو ایم نے بھی کردیا جس میں متحدہ قومی موومنٹ کے ذمہ داران اور کراچی کے نامزد میئر اور ڈپٹی میئر بھی شریک ہیں جب کہ مہم کا مقصد کراچی کو کچرے کے ڈھیر سے پاک کرنا ہے۔

کراچی کے نامزد میئر وسیم اختر نے بھی سڑکوں پر جھاڑو لگا کر مہم کا آغاز کیا اور صفائی مہم ایک ماہ تک جاری رہے گی۔ میڈیا سے بات کرتے ہوئے ان کا کہنا تھا کہ صفائی مہم میں ایم کیو ایم کے کارکنان اور رضا کار حصہ لے رہے ہیں جب کہ سندھ حکومت کی جانب سے کوئی تعاون نہیں کیا جارہا،آپ امن وامان کی صورتحال بہتر کرنا چاہتے ہیں، ہم شہر کی صفائی کرنا چاہتے ہیں، ہم کراچی کےمنتخب نمائندےہیں لوگوں نےہمیں ووٹ دیاہے۔ ان کا کہنا تھا کہ کراچی میں وال چاکنگ مٹانےکا آغازاپنی تنظیم کی چاکنگ مٹا کرکیا ہے، کراچی کو کسی کی اوطاق نہیں بننے دیں گے اور ایک ماہ کے دوران شہر کو پاک صاف کرنے کے بعد کچرے کو اس  کے اصل مقام پر ٹھکانے لگایا جائے گا۔

Read 438 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto