گرفتار بھارتی جاسوس کلبھوشن یادیو کا قریبی ساتھی ’صنوبر ‘ بھی حب سے گرفتار

بدھ, 30 مارچ 2016 15:56

کراچی: سکیورٹی فورسز نے بلوچستان کے علاقے حب سے کلبھوشن یادیو کے قریبی ساتھی ’صنوبر ‘ کو گرفتار کرلیا ۔
نجی ٹی وی  کے مطابق خفیہ اطلاع پر ایف سی نے حساس اداروں کے ساتھ مل کر بلوچستان کے علاقے حب میں کارروائی کی جس دوران ایک اور بھارتی جاسوس کی گرفتاری عمل میں آئی ، صنوبر نامی بھارتی جاسوس گڈانی اور حب میں را کا نیٹ ورک چلارہا تھا اور کلبھوشن یادیو کا قریبی ساتھی تھا ۔ صنوبر کے کالعدم تنظیموں اور بلوچ علیحدگی پسندوں کے ساتھ رابطے تھے جبکہ اس نے گڈانی سے آواران تک اپنا نیٹ ورک پھیلا رکھا تھا۔ بھارتی ایجنٹ 2014 میں راکیش کے نام سے بھارت بھی گیا تھا ۔ حب میں سکریپ کا کام زیادہ ہونے کی وجہ سے اس جاسوس نے کباڑیے کا روپ دھار کر ڈیرے جما رکھے تھے۔
دفاعی تجزیہ کاروں کی جانب سے صنوبر کی گرفتاری کو اہم ترین کامیابی قرار دیا جار ہا ہے جس سے بھارت کے آپریشنز کو کافی نقصان پہنچے گا۔
واضح رہے کہ حب کا علاقہ کراچی کے انتہائی قریب ہے اور یہاں زیادہ تر سمندری جہازوں کی توڑ پھوڑ اور  سکریپ کا کام ہوتا ہے۔

Read 182 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto