موجودہ کائنات ایک بلبلہ نما ہے اور اس جیسی کئی کائناتیں موجود ہیں،

جمعہ, 22 اپریل 2016 13:13

ماہرینِ کونیات (کوسمولوجی) نے کہا ہے کہ ہماری کائنات کسی بلبلے میں بند ہے اور ایسی لاتعداد بلبلہ کائناتیں موجود ہوسکتی ہیں۔

ماہرین نے خیال ظاہر کیا ہے کہ کئی بلبلہ کائنات اپنے اپنے بگ بینگ سے پھوٹی ہیں اور شاید یہ سلسلہ اب بھی جاری ہے۔ کائنات اور فلکیات پر ویب سائٹ کے خالق اور ماہر فریزر کین کا کہنا ہے کہ جس طرح صابن کا بلبلہ بنتا ہے اسی طرح لاتعداد کائناتیں وجود میں آئی ہیں۔ فریزر کین کے مطابق ایک بہت دلچسپ شے یہ ہے کہ لاتعداد وسیع کائناتیں موجود ہیں اور ہماری کائنات ان میں سے ایک ہے جب کہ تمام کائناتیں اپنے اپنے عظیم دھماکے یا غیر معمولی آغاز سے وجود میں آئی ہیں

نظری (تھیوریٹکل) اعتبار سے ان کائناتوں میں فزکس کے اصول بھی ایک دوسرے سے بالکل مختلف ہوسکتے ہیں۔ مثلاً ہماری کائنات میں کشش کی قوت اشیا کو ایک دوسرے کے قریب کھینچتی ہے لیکن شاید دوسری کائنات میں کشش ایک دوسرے کو دور کرنے کا کام کرتی ہو اور ہوسکتا ہے کہ ان کائناتوں میں زندگی اور جاندار بھی قدرے مختلف اقسام کے ہوں۔

ماہرین کے مطابق پھر یہ بھی ہوسکتا ہے کہ ایک بلبلہ کائنات پھیل کر خود دوسری کائنات سے رابطہ بھی کرسکتی ہے۔ نظری طور پر ہماری کائنات کےدیگر کائناتوں سے رابطے کے بعض شواہد بھی ملے ہیں۔ مثلاً کائنات کے مائیکرو ویو بیک گراؤنڈ ( سی ایم بی) میں ماہرین نے درجہ حرارت میں تبدیلی محسوس کی ہے لیکن کائنات جیسے ہی پھیلی مختلف مادوں کے ڈھیر ایک جگہ جمع ہوگئے ہیں۔

Read 435 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto