وزیراعظم نواز شریف آج شام قوم سے خطاب کریں گے

جمعہ, 22 اپریل 2016 17:02

اسلام آباد: مسلم لیگ (ن)  کے مرکزی رہنماؤں سے مشاورت کے بعد وزیراعظم نواز شریف نے آج شام قوم سے خطاب کرنے کا فیصلہ کیا ہے جس میں وہ پاناما لیکس کے حوالے سے قوم کو اعتماد میں لیں گے۔

وزیراعظم نواز شریف آج شام قوم سے خطاب کر کے پاناما لیکس کے تحقیقاتی کمیشن کے حوالے سے قوم کو اعتماد میں لیں گے۔ ذرائع کا کہنا ہے کہ اس بات کا امکان ہے کہ وزیراعظم نواز شریف پاناما لیکس کی تحقیقات کے لئے چیف جسٹس سپریم کورٹ کو خط لکھنے کا حکم دیں گے اور ملکی سیاسی صورت حال پر بھی بات کریں گے۔

ذرائع کے مطابق وزیراعظم نواز شریف کے قوم سے خطاب کے لئے پی ٹی وی پر ریکارڈنگ کی تیاریاں بھی شروع کر دی گئی ہیں جب کہ ان کا خطاب شام 6 سے 8 بجے کے درمیان متوقع ہے۔

واضح رہے کہ اس سے قبل بھی پاناما لیکس کی دستاویزات منظر عام پر آنے کے بعد وزیراعظم نواز شریف نے قوم سے خطاب میں جوڈیشل کمیشن بنانے کا اعلان کیا تھا لیکن پیپلز پارٹی اور تحریک انصاف نے سپریم کورٹ کے چیف جسٹس کے علاوہ کسی اور کی سربراہی میں بننے والے کمیشن کو مسترد کر دیا تھا۔

Read 244 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto