بنگلہ دیش میں اعلیٰ حکام کی ہدایت پر پاکستانی سکول کی پرنسپل گرفتار، ہائی کمیشن رسائی کیلئے کوشاں

جمعرات, 12 مئی 2016 18:21

ڈھاکہ : بنگلہ دیش میں پاکستانی سکول کی پرنسپل یاسمین کے گھر پر ڈھاکہ پولیس نے ریڈ کیا اور وجہ بتائے بغیر اُنہیں اپنے ساتھ لے گئی جبکہ پاکستانی ہائی کمیشن کو آخری اطلاعات تک یاسمین تک قونصلر رسائی بھی نہیں مل سکی ، ذرائع کے مطابق بنگلہ دیش کی حسینہ واجد کی حکومت بلاجواز معاملات کو ہوادے رہی ہے اور اُنہیں اعلیٰ بنگالی حکام کے حکم پر گرفتار کیاگیا۔

سینئر اینکر اور تجزیہ نگار حامد میر نے انکشاف کیاکہ پاکستان کے ’سٹی سکول سسٹم ‘ کی ڈھاکہ میں موجود برانچ کی پرنسپل کے گھر پر ڈھاکہ پولیس نے چھاپہ مارا جس دوران خواتین پولیس اہلکار بھی موجود تھے ، جاتے ہوئے پولیس اہلکار یاسمین کو بھی ساتھ لے گئے لیکن کوئی وجہ نہیں بتائی گئی ۔ حامد میر نے بتایاکہ ابتدائی طورپر ڈھاکہ پولیس نے اس چھاپے کی تردید کی لیکن یاسمین کیساتھ پولیس اہلکاروں کی تصاویر سامنے آنے کے بعد اعتراف کرلیا اور کہاکہ پوچھ گچھ کیلئے بلایاگیاہے ، بعد میں چھوڑدیں گے ۔ سٹی سکول میں زیرتعلیم زیادہ تربچوں کا تعلق بھی بنگلہ دیش سے ہے ، یاسمین کے گھر کوتالے لگے ہوئے ہیں اور ان سے کسی کو بھی ملنے کی اجازت نہیں دی جارہی ۔

حامد میر نے بتایاکہ ہائی کمیشن نے بار بار رابطہ کیا لیکن تاحال کامیابی نہیں ملی ، کہاجارہاہے کہ بنگالی ہائی اتھارٹی کے حکم پر یاسمین کوحراست میں لیاگیا۔

Read 670 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto