پاناما لیکس پرٹی اوآرزبنانے کے لیے اپوزیشن پارلیمانی کمیٹی بنانے پررضامند

منگل, 17 مئی 2016 17:28

اسلام آباد: اپوزیشن جماعتوں نے پاناما لیکس کے معاملے پرمتفقہ ٹی اوآرز بنانے کے لیے پارلیمانی کمیٹی پررضامندی ظاہرکردی ہے۔

پارلیمنٹ ہاؤس اسلام آباد میں اپوزیشن جماعتوں کا اجلاس جاری تھا کہ اسپیکر قومی اسمبلی سردارایازصادق نے قائد حزب اختلاف خورشید شاہ اورتحریک انصاف کے ڈپٹی پارلیمانی لیڈرشاہ محمود قریشی کو اپنے چیمبرمیں طلب کرلیا۔ ملاقات کے دوران اسپیکرنے اپوزیشن رہنماؤں سے پاناما لیکس کے معاملے پرپارلیمانی کمیٹی کی تشکیل کے لیے نام مانگ لئے۔ خورشید شاہ اورشاہ محمود قریشی نے پارلیمانی کمیٹی میں شمولیت کے لیے حامی بھرتے ہوئے دیگر رہنماؤں سے مشاورت کے بعد نام دینے کا عندیہ دیا۔ جس کے بعد اپوزیشن نے قومی اسمبلی کے اجلاس کا بائیکاٹ ختم کرنے کا فیصلہ کردیا۔

اپوزیشن رہنماؤں کا کہنا تھا کہ وہ ٹی اوآرزکی تیاری کے لئے پارلیمانی کمیٹی میں شامل ہونے کو تیارہیں تاہم وزیراعظم کو اس معاملے پراٹھائے گئے سوالوں کے جواب دینا ہوں گے اورپاناما معاملے کی تحقیقات بھی ہوکررہیں گی۔ خورشید شاہ کا کہنا تھا کہ اللہ اللہ کرکے وزیراعظم پارلیمنٹ میں آئے، بدھ کواپوزیشن وزیراعظم کی تقریرپرنقطہ نظربیان کرے گی۔ ہم نے اسپیکرقومی اسمبلی کی درخواست پران سے ملاقات کی ہے۔ اپوزیشن نےحکومت کےساتھ مل کرکمیشن تشکیل کی کمیٹی کےقیام پراتفاق کرلیا،اسپیکر کا کہنا ہےکہ وزیراعظم سے بات کرکے اپوزیشن کو آگاہ کریں گے۔

شاہ محمود قریشی نے کہا کہ ہم چاہتے ہیں کہ کرپشن کا خاتمہ ہو، اپوزیشن پارلیمنٹ کی اہمیت کو سمجھتی ہے، جوڈیشل کمیشن کے ٹی او آرز کی تیاری کےلئے حکومت کے ساتھ بیٹھنے کو تیار ہیں لیکن دیکھنا ہےکہ حکومت کی جانب سے کرپشن کےخاتمے کے لئے کیا اقدام اٹھائے جاتے ہیں۔

Read 359 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto