امریکی ریاست کینٹکی میں ہلیری کلنٹن کی فتح

بدھ, 18 مئی 2016 12:13

امریکہ میں ڈیموکریٹک پارٹی کی صدارتی امیدوار کی دوڑ میں شامل ہلیری کلنٹن نے ریاست کینٹکی میں ہونے والے پرائمری انتخاب میں اپنی جیت کا اعلان کیا ہے۔

ریاست کینٹکی میں ہونے والے پرائمری انتخاب میں زیادہ تر ووٹوں کی گنتی مکمل ہو چکی ہے جس کے مطابق ہلیری کلنٹن کو سینیٹر برنی سینڈرز پر معمولی برتری حاصل ہے

ریاست کینٹکی میں ایک سرکاری اہلکار نے ہلیری کلنٹن کو غیر سرکاری فاتح قرار دیا ہے۔

ادھر ڈیموکریٹک پارٹی کے دوسرے صدارتی امیدوار برنی سینڈرز نے ریاست اوریگن میں ہونے والا پرائمری انتخاب جیت لیا ہے۔

کینٹکی میں سٹیٹ بورڈ آف الیکشنز کی چیئر وومن علیسن گرائمز نے سی این این کو بتایا کہ غیر سرکاری نتائج نے اس بات کی تصدیق کر دی ہے کہ ہلیری کلنٹن کینٹکی کا پرائمری انتخاب معمولی برتری سے جیت جائیں گی۔

اس اعلان کے کچھ ہی دیر بعد ہلیری کلنٹن نے ٹویٹ کی ’ہم نے ابھی کینٹکی میں فتح حاصل کی ہے۔ ان تمام افراد کا شکریہ جو ووٹ دینے کے لیے آئے۔‘

واضح رہے کہ ڈیموکریٹک پارٹی کے فیلیڈلفیامیں ہونے والے کنوینشن میں ریاست کینٹکی کے 60 اور اوریگن کے 74 مندوبین شرکت کریں گے۔

دوسری جانب برنی سینڈرز پر صدارتی امیدوار کی دوڑ سے باہر ہونے کے لیے دباؤ بڑھتا جا رہا ہے کیونکہ ورمونٹ کے سینیٹر تاریخی طور پر ڈیموکریٹ کے بجائے آزاد امیدوار کے طور پر دیکھے جاتے رہے ہیں۔

برنی سینڈرز نے کیلیفورنیا میں ایک ریلی سے خطاب کرتے ہوئے کہا کہ وہ آخری ووٹ کاسٹ ہونے تک مقابلہ کریں گے۔

Read 252 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto