امریکہ کے مختلف شہروں میںبرفانی طوفان۔28 افراد ہلاک

پیر, 25 جنوری 2016 12:56

امریکہ میں برفانی طوفان کے باعث ہونے والی سردی کی وجہ سے اموات واقع ہوہی ہیں
نیوجرسی اور نیویارک میں 27 ، میری لینڈ میں 37 اور ورجینیا میں 42 انچ تک برفباری ہوئی ، میٹرو سروس جزوی بحال ، ا سکول آج بھی بند رہیں گے
نیویارک ۔ امریکا کی مختلف ریاستوں میں ریکارڈ برفباری نے زندگی کو مفلوج کرکے رکھ دیا ، مختلف حادثات میں ہلاکتوں کی تعداد اٹھائیس ہوگئی ، مغربی ورجینیا میں بیالیس انچ تک برف پڑی۔ نیویارک سٹی سے واشنگٹن ڈی سی تک زبردست برفانی طوفان نے خوب تباہی مچائی۔ نیو جرسی اور نیویارک میں ستائیس میری لینڈ میں سینتیس ، مغربی ورجینیا میں بیالیس انچ تک برف پڑی۔ برف سے ڈھکی سڑکوں پر ہونے والے حادثات میں اٹھائیس افراد جان کی بازی ہار گئے۔ نیویارک میں برفانی طوفان تھمنے کے بعد سفری پابندی ہٹا دی گئی۔ واشنگٹن کو انیس سو بائیس کے بعد ریکارڈ برفباری کا سامنا ہے۔ شہر میں میٹرو سروس کو جزوی طور پر بحال کیا گیا ہے جبکہ ا سکول آج بند رہیں گے۔ یہاں فٹبال ا سٹیڈیم کی چھت برف کے وزن کی وجہ سے نیچے جاگری۔ آٹھ کروڑ 50 لاکھ افراد طوفان سے متاثر ہوئے ، ہزاروں لوگوں کو بجلی کی فراہمی بند ہو چکی ہے۔ پینسلوینیا میں پانچ سو گاڑیاں برف میں پھنس گئیں جبکہ برفانی طوفان کی وجہ سے گیارہ ہزار پروازیں منسوخ کر دی گئیں۔ کنیکٹیکٹ میں برفانی طوفان کی وجہ سے ٹرین کو حادثہ پیش آیا تاہم کوئی جانی نقصان نہیں ہوا۔ فیئرفیکس میں برف سے ڈھکے گھر میں آگ بھڑک اٹھی۔ حکام کا کہنا ہے طوفان سے نقصان اور بحالی پر ایک ارب ڈالر خرچ کا تخمینہ لگایا گیا ہے۔

Read 162 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto