پانی کا بحران، ایم کیوایم وزیراعلی ہاؤس پر مظاہرہ کرے گی

اتوار, 05 جون 2016 12:36

 متحدہ قومی موومنٹ آج کراچی میں پانی کے شدید بحران پر پریس کلب سے وزیر اعلیٰ ہاؤس تک احتجاجی ریلی نکالے گی،پولیس نے وزیراعلیٰ ہاؤس جانے والے راستوں پر رکاوٹیں کھڑی کردیں ہیں۔

تفصیلات کے مطابق متحدہ قومی موومنٹ نے شہر میں پانی کی شدید قلت سمیت دیگر شہری مسائل کے خلاف آج پریس کلب سے وزیراعلیٰ ہاؤس کے جانب احتجاجی ریلی کا اعلان کیا ہے، ریلی کے شرکاء وزیر اعلیٰ ہاوؤس کے باہر احتجاجی مظاہرہ بھی کریں گے۔

متحدہ قومی موومنٹ کی ریلی نکالنے کے اعلان کے بعد پریس کلب اور شاہین کمپلیکس کے اطراف کی سڑکوں پر رکاوٹیں کھڑی کردی ہیں، جب کہ وزیراعلیٰ ہاؤس کی طرف آنے والی سڑک کو کنٹینرز لگا کے بند کردیا گیا ہے۔

یاد رہے وزیر اعلیٰ ہاؤس سیکیورٹی زون میں آتا ہے جہاں کسی قسم کی ریلی .مظاہرے اور جلوس پر پابندی ہوتی ہے،آج کی ریلی کے لیے بھی پولیس ہائی الرٹ ہے۔

واضح رہے اس سے قبل بھی ریڈ زون کی سیکیورٹی کو محفوظ بنانے کے لیے کئی احتجاجی مظاہروں کو واٹر کینین، لاٹھی چارج اور گرفتاریوں کے ذریعہ منتشر کیا گیا تھا۔

رابطہ کمیٹی نے اپنے اعلامیہ میں کہا ہے کہ ملک کی معیشیت میں ریڑھ کی ہڈی کی سی حثیت رکھنے والے کراچی کےساتھ سندھ حکومت سوتیلی ماں جیسا سلوک کررہی ہے۔

اعلامیہ میں کہا گیا ہے کہ کراچی میں فراہمی آب کے منصبے کے فورکے لیے وفاق کی جانب سے فنڈزمختص کرنےکےباوجود منصوبی شروع نہپیں کیا جارہا ہے۔

Read 362 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto