سلمان نے فلم ’’دبنگ‘‘ کے تیسرے سیکوئل سے سوناکشی کی چھٹی کرادی

اتوار, 10 جولائی 2016 13:06

سلومیاں کی ناراضی کی وجہ ارباز خان کی فلم ’’ڈھولی کی ڈولی‘‘ میں کام کرنے سے انکار کو قراردیا جارہا ہے

ممبئی: بالی ووڈ کے دبنگ سپر اسٹار سلمان خان نے اپنی قریبی دوست اور اداکارہ سوناکشی سنہا کی فلم’’دبنگ‘‘ کے تیسرے سیکوئل  سے چھٹی کرادی جس کے بعد نئی اداکارہ کی تلاش شروع کردی گئی ہے۔

بالی ووڈ اسٹار سلمان خان اور اداکارہ سوناکشی سنہا کی آپس میں گہری دوستی ہے یہی وجہ ہے کہ سلومیاں نے 2010 میں دبنگ گرل کو اپنی فلم ’’دبنگ‘‘ میں مدمقابل کاسٹ کراکے فنی سفر کا آغاز کرایا تھا جس کے بعد انہوں نے متعدد فلموں میں اداکاری کے جوہر دکھائے جس میں فلم’’دبنگ 2‘‘،’’راؤڈی راٹھور‘‘ اور’’سن آف سردار‘‘ بھی شامل ہے لیکن اب سلو میاں اور دبنگ گرل کی دوستی میں دراڑ آگئی ہے  جس کے بعد انہیں فنی کیرئیر کا سب سے بڑا جھٹکا لگا ہے۔

میڈیا رپورٹس کے مطابق سلمان خان اور سوناکشی سنہا کے درمیان دوستی  پہلے جیسی نہیں رہی ہے جس کی وجہ دبنگ گرل کی جانب سے سلو میاں کے بھائی ارباز خان کی  فلم ’’ڈھولی  کی ڈولی‘‘ میں کام کرنے سے انکار کو قرار دیا جارہا ہے جب کہ سوناکشی اور سلمان خان کے درمیان ارپتہ  خان کی شادی کے بعد سے ہی  ناراضی جاری ہے جس کے بعد اب سلمان خان نے ارباز خان کی فلم ’’دبنگ‘‘ کے تیسرے سیکوئل سے سوناکشی کی چھٹی کرادی اورنئی اداکارہ کی تلاش شروع کردی گئی ہے۔

واضح رہے کہ اداکارہ  سوناکشی سنہا اپنی فلموں’’اکیرہ‘‘،’’فورس 2‘‘اور’’نور‘‘ کی شوٹنگ میں مصروف ہیں۔

Read 3259 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto