علی- سدھارتھ 'سیلفی' کی حقیقت سامنے آگئی

ہفتہ, 30 جنوری 2016 13:52

پاکستانی اداکار اور گلوکار علی ظفر اور بولی وڈ اداکار سدھارتھ ملہوترا کی 'ڈنر سیلفی' کے بعد اُن کے مداح اس بات کو جاننے کے لیے بے تاب تھے کہ کیا دونوں اداکاروں کی ملاقات واقعی لاہور میں ہوئی تھی اور اب اس کی تفصیلات سامنے آچکی ہیں۔

آپ سب کو یاد ہی ہوگا جب کچھ روز قبل ہم نے آپ سے علی ظفر اور سدھارتھ ملہوترا کی دلچسپ ٹوئٹر گفتگو شیئر کی تھی.

علی نے سدھارتھ کو 'لاہور میں کھانے کی دعوت' دی، جسے سدھارتھ نے فوری طور پر 'قبول' کیا اور بعدازاں دونوں کی 'سیلفی' بھی منظرِ عام پر آگئی.لیکن یہ گتھی اُس وقت سلجھی جب ٹی وی پر 'اسپرائٹ' کے اشتہار میں دونوں ایک ساتھ کھانا کھاتے ہوئے نظر آتے اور ثابت ہوا کہ علی ظفر اور سدھارتھ نے دراصل اپنے آنے والے اشتہار کی تشہیر کے لیے اس طرح کی ٹوئیٹس کا سہارا لیا.تاہم اب بھی یہ واضح نہیں ہوسکا کہ اس اشتہار کی شوٹنگ کہاں کی گئی، کیا سدھارتھ واقعی لاہور آئے یا کسی اور جگہ اسے فلمایا گیا، لیکن اشتہار میں دونوں ہی نہایت دلچسپ انداز میں نظر آرہے ہیں۔دوسری جانب علی ظفر اور سدھارتھ کی بڑھتی دوستی اور اپنے اشتہار کی اس طرح ٹوئٹر پر تشہیر کو دیکھ کر اندازہ لگایا جاسکتا ہے کہ سوشل میڈیا دونوں ممالک کے لیے ایک اہم پلیٹ فارم بنتا جارہا ہے۔

Read 749 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto