امریکہ۔ داعش کو ختم کرنے کے لئے تمام ممالک کی کوششیں رنگ لارہی ہیں۔ جان کیری

بدھ, 03 فروری 2016 11:05

امریکی وزیر خارجہ جان کیری نے کہا ہے تمام ممالک میں داعش کی شکست اس بات کی دلیل ہے کہ عالمی کوششیں صحیح سمت میں گامزن ہیں تاہم انہوں نے خبردار کیا کہ لیبیا اور عراق میں استحکام کے لئے مزید کام کی ضرورت ہے۔امریکی ذرائع ابلاغ کے مطابق جان کیری نے یہ بات روم میں ایک وزارتی اجلاس کے موقع پر کہی جہاں 20 ممالک کے نمائندے داعش کے خلاف جنگ کی کوششوں پر بات چیت کے لیے اکٹھے ہوئے ہیں۔انہوں نے شدت پسندوں کی طرف سے لیبیا میں تیل کے وسیع ذخائر پر قبضے کے خطرے کو اجاگر کرتے ہوئے کہا کہ وہاں نئی قومیہ اتحادی حکومت پر اتفاق اسے روکنے میں معاون ثابت ہو گا۔جان کیری نے شام میں انسانی صورتحال کی طرف بھی توجہ مبذول کراتے ہوئے کہا کہ جنگ عظیم دوم کے بعد ایسی آفت پہلے دیکھنے میں نہیں آئی۔جان کیری نے کہا کہ اقوام کو جنگ بندی، محاصروں کے خاتمے اور شورش زدہ علاقوں میں فوری امداد کی ترسیل کی ضرورت پر کھل کر بولنا چاہیئے۔انہوں نے کہا کہ گزشتہ مئی سے فوجی کارروائیوں میں داعش کے 90 درمیانے اور اعلیٰ درجے کے عہدیدار ہلاک ہو چکے ہیں اور شام اور ترکی کی سرحد پر مکمل کنٹرول حاصل کر لیا گیا ہے۔انہوں نے کہا کہ اس وقت چیلنج یہ ہے کہ جن اقدامات سے کامیابی حاصل ہو رہی ہے انہیں مسلسل جاری رکھا جائے اور شدپ پسندوں کو محفوظ ٹھکانوں میں دوبارہ جمع ہونے کے لئے کوئی وقت نہ دیا جائے۔

Read 283 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto