ایک فیملی کی جانب سے دو لاکھ کروڑ روپے آمدن کا اعلان

پیر, 05 دسمبر 2016 14:58

مرکزی وزارت خزانہ نے کہا ہے کہ اس معاملے میں مکمل تحقیقات کی جائیں گیں

وزارت خزانہ کے مطابق اس خاندان کے ذریعے کیا جانے والا اعلان ’مشتبہ‘ ہے کیونکہ اس کنبے کی آمدنی کے وسائل محدود ہیں۔

خیال رہے کہ مرکزی حکومت نے سنہ 2016-17 کے بجٹ میں انکم ڈكلیئریشن سکیم (آئی ڈی ایس) یا آمدنی کے اعلان کی سکیم کا انتظام کیا تھا جس کے تحت سعید خاندان کی جانب سے یہ اعلان سامنے آيا ہے۔

اس سکیم کے تحت اگر کوئی اپنی پہلے سے غیر اندراج شدہ آمدن یا اثاثوں کو ظاہر کرتا ہے تو اس کو ٹیکس، سرچارج اور جرمانہ وغیرہ کے تحت آمدنی کا 45 فیصد حکومت کو دینا ہوگا۔ بقیہ 55 فیصد آمدنی پر اعلان کرنے والے شخص کا اختیار ہوگا جو کہ مکمل طور پر جائز پیسہ تصور ہوگا۔

اس سکیم کے تحت آمدنی کے شمارے جمع کروانے کی آخری تاریخ 30 ستمبر تھی اور اس کے تحت، سعید خاندان کے علاوہ، کل 71،726 لوگوں کے ذریعہ 67،382 کروڑ روپے کی غیر اعلانیہ آمدن کے شمارے جمع کیے گئے تھے۔

اسی سکیم کے تحت دو اعلانات ایسے تھے جن میں اتنی بڑی رقم کا ذکر تھا کہ حکومت نے انھیں مشتبہ مانتے ہوئے ان اعلانات کو خارج کر دیا۔

ممبئی کے باندرہ علاقے میں رہنے والے چار ارکان پر مشتمل سعید خاندان نے کل دو لاکھ کروڑ روپے کی آمدن یا اثاثوں کا اعلان کیا۔

اس خاندان میں عبدالرزاق محمد سعید، بیٹے محمد عارف، عبدالرزاق کی اہلیہ رخسانہ سعید اور بیٹی نور جہاں محمد سعید ہیں۔

اس خاندان کے تین ارکان کے پین کارڈ راجستھان کے شہر اجمیر کے پتے پر بنے تھے اور رواں سال ستمبر کے مہینے میں ہی یہ لوگ ممبئی آئے جہاں انھوں نے یہ اعلانات کیے۔

دوسرا معاملہ احمد آباد کے بزنس مین مہیش شاہ کا ہے جنھوں نے کل 13،860 کروڑ روپے کی آمدن کا اعلان کیا تھا۔

حکومت ان دونوں معاملات کے متعلق تحقیقات کر رہی ہے۔

حکومت نے ایک بیان میں کہا کہ ان دونوں معاملات کی تحقیقات کے بعد انکم ٹیکس محکمے نے 30 نومبر کو ان اعلانات کو مسترد کرنے کا فیصلہ کیا ہے اور اس کے مقاصد کی تحقیقات ہو رہی ہے۔

مہیش شاہ نے جب سے اعلان کیا اس کے بعد سے ہی لاپتہ تھے۔ بعد میں جب مہیش شاہ سامنے تو انھوں نے بتایا کہ یہ پیسہ صرف ان کا نہیں ہے بلکہ سیاستدانوں، بیوروکریٹس اور بلڈرز کا ہے۔

مہیش شاہ کو حراست میں لے لیا گيا تھا اور اب ان سے پوچھ گچھ ہوگی۔

Read 3130 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto